Dy kosovarë të shpallur në kërkim arrestohen nga Policia

Policia ka bërë të ditur se 27-vjeçari nga Kosova, i shpallur në kërkim ndërkombëtar, u arrestua me qëllim ekstradimin e tij në Zvicër.

“Gjatë ditës së sotshme, specialistët e Policisë Kufitare Morinë, bënë arrestimin provizor me qëllim ekstradimi të shtetasit kosovar, dhe konkretisht: P.Sh., 27 vjeç, banues në Kleqke, Kosovë. Ky shtetas u kap në hyrje të PKK Morinë, Ku gjatë regjistrimit në sistemin rezultoj shtetas ” i shpallur në kërkim ndërkombëtar”, nga autoritet Zviceriane, i dënuar me 2 vite e 8 muaj burg për trafik droge”, thuhet në njoftimin e Policisë së Shtetit, transmeton Indeksonline.

Materialet do t’i kalojnë Prokurorisë së Rrethit Gjyqësor Kukës, për veprime të mëtejshme.

Gjithashtu, në këtë vend është ndaluar edhe shtetasi kosovar i shpallur në kërkim kombëtar, konkretisht:  Z.Y., 29 vjeç, banues në Podujeve, Kosovë.

“Ndalimi i tij u bë pasi, gjatë regjistrimit në sistem rezultoj “shtetas i shpallur në kërkim kombëtar”. Gjykata e Rrethit Gjyqësor Kukës me vendim penal nr.84, datë 14.06.2016, ka caktuar ndaj tij, masën e sigurisë “Arrest me burg”, për veprën penale ” Kontrabanda me mallra të tjera”, parashikuar nga neni 174 i K.penal”, kanë deklaruar në polici, transmeton Indeksonline. Ky shtetas ju dorëzua D.V.P. Kukës, për veprime të mëtejshme shkruan Indeksonline.