Bujar Nishani mban fjalimin e fundit: Faleminderit që më dhatë rastin t’ju shërbej

Duke falenderuar të gjithë ata që e kanë mbështetur në këto 5 vite, Nishani u ndal tek rezultatet e arritura, por duke nënvizuar se ka ende shumë punë për të bërë.

“Nëse, siç është e natyrshme, më pyesni se si ndihem në këtë moment largimi, kam këtë përgjigje: Si pas çdo pune, i kënaqur. Si pas çdo kënaqësie, i lumtur. Por sidomos kryelartë për faktin se gjatë gjithë kësaj kohe kam ndierë dhe përballuar përgjegjësinë e rëndë të kryerjes së detyrës së besuar pa neglizhuar asnjë vështirësi, pa u epur përpara asnjë sulmi, pa u lëkundur para asnjë iniciative, pa u penduar para asnjë vendimi. Ndoshta ka gjëra që mund të ishin bërë më mirë. Por përsosmëria nuk ka fund. Nuk është mirë të jemi pesimistë. Shqipëria është vendi i pritshmërive të mundshme dhe i aspiratave të realizueshme, për më tepër ekonomi, më tepër të drejta, më tepër liri. Nder i madh për mua që i vlejta popullit tim. Faleminderit që më dhatë rastin t’ju shërbej!”, u shpreh Nishani, raporton TCH.

Bujar Nishani do t’i lërë stafetën Ilir Metës, i cili të hënën pas ceremonisë së betimit që do të zhvillohet në orën 18:00 në Parlament, do t’i drejtohet Presidencës, ku do të marrë dhe zyrtarisht detyren e Presidentit të Republikës.