Ky është dokumenti që Saimir Tahiri ka siguruar nga Prokuroria italiane, ja çka shkruhet në të (Foto)

Ish ministri i brendshëm i Shqipërisë, Saimir Tahiri, ka dalë më nje document të Prokurorisë së Katanjës, sipas të cilit, emri i tij nuk figuron askund si i dyshuar për lidhje me grupin e trafikantëve të drogës.

Tahiri tha se ai është i interesuar të dalë e vërteta për rastin e tij, siç tha dhe ‘ta paguajë me çdo çmim’, shkruan Periskopi.

“Ekzemplarët më të fortë se sin ë këtë vend mund të bësh para duke shitur moral politik. Me politikë të mbrapshtë, me politikë të pistë. Të gjithë këtyre mund të ju them rrini pa merak. Nëse ka një dritare sado të vogël prej të cilës mund të dalë e vërteta, unë do dal që aty dhe do ia them botës me zë shumë të lartë dhe jo më fjalë as me llafe as me thashetheheme, vetëm me prova.Për mua sot nuk ka rëndësi asnjë debat politik, por vetëm e vërteta dhe e drejta ime”, ka thënë Tahiri, shkruan Periskopi.

“Për çmimin e të vërtetës jam i gatshëm të paguaj gjithçka nga vetja ime. As nuk dua t’ma fali askush të vërtetën. Unë jam një qytetar pa asnjë lloj pushteti dhe si i tillë brenda 48 orëve sigurova një dokument nga policia e Katanjës dhe thotë se Saimir Bashkim Tahiri, nuk rezulton sot dhe më herët as edhe një datë të ketë pasur ndonjë proces ndaj ti”, ka thënë Tahiri.

“Prokuroria e Katanjës që ka hetuar 4 vjet këtë grupin kriminal që sipas policisë shqiptare bëj pjesë unë, nuk ka gjetur asnjë cast një fakt që do të çonte në ndonjë hetim për mu”, tha ai.

Tahiri më pas ka pasur një sërë pyetjesh ndaj Policisë dhe Prokurorisë shqiptare, të cilët sipas tij, nuk kanë marrë mundin të kërkojnë një dokument të tillë nga organet e drejtësisë italiane, por vetëm kanë kërkuar arrestimin e tij.

“Kur është kështu, kru thotë Prokuroria e Katanjës, si ka mundësi që Prokuroria jonë brenda 48 orëve kërkoi dhe kërkon arrestimin tim? Ata i thanë publikut shqiptar se prisnin letra nga Italia, u them edhe unë që pres ato letra me padurim. Po kaq vështirë e kishin organet tona të merrnin këtë document që mora unë për 48 orë. Kuptoni që në ato përgjime flitet për një Saimir që ka kamiona, që merret me linja kamionash me thaës droge, kaq e vështirë është të provohet a isha unë ai Saimiri, edhe bosi edhe shefi i drogës edhe hamballi i drogës”, ka thënë Tahiri

Ja fjalimi i plotë i Saimir Tahirit:

Me poshte letra e Prikurorise Katania ku pranon se nuk ka asnje hetim ndaj meje. Po Prokroria jone si donte te me arrestonte me 48 ore letra gazetash????

Une do bej luften time edhe ndaj gjyqit juridik dhe ndaj gjyqit politik e publik. Banda e krimineleve te arrestuar, eshte amatore krahasuar me banden politike qe ka sajuar gjithe kete.

Ka disa ditë që ndaj meje bëhet paralelisht, gjyqi juridik me një kërkesë të prokuroisë që ka për qëllim arrestimin tim, dhe gjyqi politik e publik, ku politikanë, deputetë, analistë, gazetarë, ka marrë një pushkë e hëdh baltë mbi mua duke më bërë herë fajtor ose herë viktimë.

Mua nuk më intereson asgjë nga këto, e as nuk dua të përfshihem në asnjë debat politik e publik.

Nqs politikës i ka ardhur rasti të hedhi llumin e 25 viteve të fundit mbi mua, për ata që nuk kanë lënë gjë pa vjedhur nga xhepat e qytetarëve, nuk kanë lënë famlijar pa pasuruar, nuk kanë kursyer as vrasjet për të mbrojtur vjedhjet, u them pa merak, do e mbaj e përballoj pa asnjë problem këtë barrë.

Nqs analistëve që bëjnë xhiron e mediave e portaleve, që nuk kanë lënë krah e sqetull pa u futur, politikan pa u paguar dhe eksemplarët më të fortë të shembullit se si mund të bësh para duke shitur moral, u kam dalë unë në shteg për të shfryrë mbi mua hesapet e 25 viteve politikë të mbrapshtë, vulgare, të paprinciptë e të pisët deri në fyt, u them pa merak, une do e përballoj sido të jetë.

Por nqs ka qoftë edhe një shteg të vetëm për të gjetur të drejtën, një dritare fare të vogël për tua thënë njerëzve, është e sigurtë se aq do më mjaftojë për ti treguar të gjithëve të vërtetën time, jo me fjalë, por me prova.

Sepse për mua sot, nuk ka rëndësi asnjë debat politik i cfarëdolloj. Për mua ka rëndësi vetëm një gjë, e vërteta.

E për çmimin e të vërtetës, jam i gatshëm të paguaj gjithçka jam e kam. As dua të ma fali kush të drejtën time, as dua të jem peng i kërkujt për të vërtetën që dua ta gjej vetë pa ndihmë e pa mbështetje politike të cilitdo lloj.

Unë tashmë jam një qytetar pa asnjë pushtet. E si i tillë, brenda 48 orëve sigurova këtë përgjigje nga Prokuroria e Katania.

Prokuroria e Katania, që ka hetuar 4 vjet një grup kriminal, e thotë shumë qartë që nuk ka asnjë lidhje me mua.

E kur është kështu, si ka mundësi që prokuroria jonë, brenda 48 orëve, me letra që i morën në redaksi gazetash, kërkuan arrestimin tim.

A nuk iu thanë prokurorët shqipëtarë publikut se prisnin letra nga italia? Kaq të vështirë e kishin të merrnin këtë informacion që mora unë brenda 48 orëve?

Kaq të vështirë e kanë të kuptonin se “saimiri” që përmendet me kamion, me linjë kamionesh, që ngarkon edhe thasë droge, nuk jam e as mund të jem unë?

Si ka mundësi prokuroria nuk dinte fare që unë vetë, personalisht, kisha kërkuar hetim që në 2015 edhe për makinën time, edhe për habilajt, edhe -ër gjithcka tjetër thuhej në publik me akuza që atëherë për përfshirjen time në tradik droge?

Në këtë fletë të bardhë të prokurorisë së katania, ku hyn lufta kundër krimit e kundër drogës që kam dëgjuar të përbetohet cdolloj rrace politike, luli e monika më të parët si kukullat e shefave të tyre.

Ku hyjnë pallavrat e analistëve për shërbime të huaja, parashikimet se po vjen tërmet nga amerika, nga shërbimet sekrete, nga nato e nga lloj lloj corapesh që kam dëgjuar të nxjerrin nga goja.

Ku hyj unë në të gjithë këtë? E si nuk mori kërkush mundimin të bënte një verifikim minimal, por shthurin të gjithë fantazinë e thashethemeve duke mbarsur publikun me tmerre që edhe filmat do ua kishin zili?

Mua nuk më intereson kush arrrestohet për drogë, kush arrestohet për trafik, kam luftuar vetë e do luftoj deri në fund që kjo luftë të vazhdojë.

Por ju siguroj se cilado bandë kriminelësh qoftë, jo më kjo për të cilën flasim, ngjan tërësisht amatore krahasuar me bandën që ka orkestruar këtë histori, duke hedhur nga zyra partie e redaksi lajmesh bomba për publikun, fijet e së cilën sigurisht lëvizin edhe leva të tëra institucionesh që sot nuk janë betuar para ligjit por para pushtetit politik.

Unë i kuptoj qëllimet e gjithësecilit, por unë nuk do bëj asnjë ditë luftë politike për këtë çështje.

Kam kërkuar mos fshihen as psa partisë, as pas imunitetit tim, as pas pushtetit, as pas ndereve e karrveshjeve politike të cioitdo lloj.

Unë kam kërkuar të bëj betejën time për të drejtën dhe të vërtetën. Vetëm kaq.

Kush mendon se qytetarët harrojnë, e kanë gabim. Ata do na gjykojnë më mirë se kushdo.

Deri atëherë, unë kam punë me drejtësinë dhe të vërtetën.

Gjithashtu, i kam kërkuar sot prokrorisë së krimeve të rënda të zhvillojë intensivisht e pa ndërprerje hetimin tim. Rruga jonë për tek e vërteta, nuk mudn të jetë as me pushime në mes, as me terezi se kohën para e kemi.

Unë nuk kam kohë për të humbur në zbardhjen e së vërtetës, e as pres të bëhet tërkuzë kjo histori, për të vonuar të vërtetën e për të lënë llumin e politikës të bëjë politikë.

Dhe do bëj gjithçka që kjo të mos ngecë në kanalet e ndryshkura të drejtësisë, që sot mbeten në këmbë vetëm nga kanalet e pista të politikës, që nga drejtësia e korruptuar janë ende në politikë, e që sot kanë detyrim të mbështesin drejtësinë e korruptuar si shpërblim.