Vuk Jeremiç formon parti të re, i rrezikon stabilitetin Vuçiqit

Në Asamblenë Themelore, në prani të 352 delegatëve, Jeremiç u zgjodh unanimisht si president i parties, raporton “b92”, transmeton Periskopi.

Gjithashtu unanimisht, anwtarwt e zgjodhwn Miroslav Aleksiç si nënkryetar i parë dhe Sinisha Kovaçeviç, Sanda Rashkoviç-Ivic, Svetozar Cipliç, Zdravko Ponos dhe Nikola Jovanoviç si zëvendëspresidente.

Delegatët gjithashtu miratuan programin dhe statutin e Partisë Popullore. Ndër parimet e programit janë “një politikë moderne me njw ekonomi tw zhvilluar, sundimi i ligjit dhe institucionet e pavarura, pajtimi midis kombit dhe qytetarit në Serbi, si dhe neutraliteti ushtarak i vendit”.

Ky manifest përfshin gjithashtu një kërkesë për depolitizimin e aparatit të sigurisë në Serbi, si dhe nevojën për të miratuar një ligj mbi lustracionin.

Duke folur në mbledhjen e mbajtur në Hotel Metropol të Beogradit gjatë fundjavës, Jeremiç premtoi se partia do të luftojë kundër “regjimit” – të cilin ai e përshkroi si të tjetërsuar nga populli – dhe tha se zgjedhjet lokale të ardhshme, por ende të paplanifikuara në Beograd do të ishin “një shans për fitoren e parë të madhe të opozitës që nga viti 2012.”/Periskopi/