Ushtria irakine ka marrë në kontroll të plotë Kirkukun e kurdëve pas luftimeve të përgjakshme

Ushtria thotë se kapi qytetin e fundit, Altun Kupri, pranë Erbilit, me ndihmën e paramilitarëve shiitë të shtunën pas një beteje tre-orëshe, raporton “Al Jazeera”, transmeton Periskopi.

Luftëtarët kurdë Peshmerga po dërgonin përforcime për të luftuar ushtrinë dhe milicitë irakiane në vijën e frontit në veri të Kirkukut, ndërsa forcat irakiane po përpiqeshin të shtynin Peshmergat më tej drejt kryeqytetit rajonal kurban, Erbil.

Luftimet vazhduan në Altun Kupri, rreth 40 km në veriperëndim të Kirkukut, në rrugën Erbil-Kirkuk.

Kryeministri i Irakut Haider al-Abadi urdhëroi ushtrinë të mos hyjë në kufijtë e qytetit të Erbilit, duke thënë se ata do të mbronin civilët dhe pronën e tyre, duke respektuar atë që ai e quajti perimetrat e vitit 2003 të zonës së diskutueshme.

Kurdët morën pozicione të reja tri ditë pasi u tërhoqën nga Kirkuku pas një shtytjeje dramatike nga qeveria, të ndihmuar nga Hashd al-Shaabi dhe militantët Shia.

Krerët kurdë vlerësuan se rreth 100,000 njerëz u larguan nga zona që nga fillimi i operacionit.

Stefanie Dekker i “Al Jazeera”, duke raportuar nga Kirkuku, tha se një linjë e re e frontit u hap herët të premten pasi forcat irakiane dhe Hashd al-Shaabi u zhvendosën drejt vendeve të Peshmergave në Altun Kupri.

“Vetëm pak kilometra prapa vijës së frontit, ne po shohim një prani të madhe të ambulancave që presin luftëtarët peshmerga të dëmtuar për t’i dërguar në spitalet e Erbilit. Ne kemi parë shumë të plagosur”, tha Dekker.

Duke folur për Al Jazeera nga Kirkuk, Nazm Harki, komandanti i divizionit të dhjetë të Peshmergave, tha: “Në realitet, kur ishim në luftë me ISIL-in, të gjithë e lavdëruan Peshmergën, ata janë të guximshëm që po luftojnë për botën.”|

“Teksa shoh sot këtë situatë, të gjithë po i kthejnë shpinën”, tha komandanti kurd./Periskopi/