Shpend Ahmeti flet pas miratimit të projekligjit për Prishtinën, ja çka thotë

Kryetari aktual Prishtinës, Shpend Ahmeti pas miratimit të projektligjit për Prishtinën nga Qeveria ka thënë se do të punojnë bashkë me deputetët dhe qeverinë që rezultati i ligjit të jetë sa më efektiv për kryeqytetin.

“Më në fund pas 9 viteve, qeveria e procedon në Kuvend Ligjin për Prishtinën. Do të punojmë me deputetët dhe me qeverinë që rezultati përfundimtar i Ligjit të jetë sa më i mirë për kryeqytetin tonë”, ka shkruar ai në Facebook

I pari i kryeqytetit mes tjerash ka thënë se ligji duhet të kalojë në dy shqyrtime në Kuvend për të hyrë në fuqi dhe në vete ka katër pika si më kryesore të cilat mund t`i shihni në vijim:

Buxhetin shtesë ne vlerën prej 4 perqind të grantit të përgjithshëm për komunat
2. Të drejten e themelimit të ndermarrjeve publike komunale pa aprovime shtesë nga qeveria
3. Shendetesine sekondare apo Spitalin e Qytetit dhe
4. Drejtorine e Policise Komunale brenda Policise se Kosoves që do te merret me Prishtinen.

Ndryshe, Qeveria e Kosovës miratoi sot Projektligjin për Prishtinën, duke i dhënë fund zvarritjeve disavjeçare të këtij dokumenti.

Në mbledhjen e sotme të qeverisë, kryeministri Ramush Haradinaj tha se qëllimi i këtij projektligji është rregullimi dhe funksionimin e kryeqytetit.

“Ky projektligj bazën ligjore e ka në Kushtetutën e vendit. Ligji për Vetëqeverisje Lokale aplikohet edhe për kryeqytetin”, tha Haradinaj.