Krasniqi: Prokurori sot e pranoi se rasti ndaj neve është i montuar

Gjykata Themelore ka mbajtur sot seancën e radhës gjyqësore ndaj deputetit të Vetëvendosjes, Frashër Krasniqi dhe aktivistëve, Adea Batusha, Egzon Haliti e Atdhe Arifi, për sulmin ndaj ndërtesës së Kuvendit të Kosovës, shkruan Periskopi. Deputeti Krasniqi ka bërë të ditur se në seancën e sotme prokuroria e ka pranuar se “provat e marra në vendin […]
Deputeti Krasniqi ka bërë të ditur se në seancën e sotme prokuroria e ka pranuar se “provat e marra në vendin e ngjarjes, analizat e ADN-ve dhe raportet e ekspertimit te pajisjeve elektronike, NUK tregojnë për ndonjë lidhje ne mes të të akuzuarve dhe sulmit në Kuvend”.
Lexoni të plotë postimin e tij në “Facebook”:
Sot në seancën gjyqësore kundër Adeas, Egzonit, Atdheut dhe meje, prokurori e pranoi vetë se “provat e marra në vendin e ngjarjes, analizat e ADN-ve dhe raportet e ekspertimit te pajisjeve elektronike, NUK tregojnë për ndonjë lidhje ne mes të të akuzuarve dhe sulmit në Kuvend”.
U dashtën rreth 1 vit e gjysmë qe edhe vetë prokurori ta pranojë tërthor se rasti i montuar kundër nesh eshte montim politik.
#DrejtesiperAstritin












