disa sekonda më parëKështu e arsyeton tash Thaçi kërkesën që Shqipëria t’i pajisë me pasaporta kosovarët
Periskopi(9 vite më parë)
(9 vite më parë)Presidenti i Kosovës, Hashim Thaçi ka folur sërish për kërkesën e tij ndaj Shqipërisë që kosovarët të pajisen me pasaporta shqiptare. Ai thotë se demarkacioni ka qenë kriter i befasishëm dhe surpizë për Kosovën lidhur me liberalizimin e vizave. ”Tash jetojmë me këtë realitet. Pa kalim të demarkacionit nuk kalojnë vizat. Njerëzit janë të izoluar […]
Ai thotë se demarkacioni ka qenë kriter i befasishëm dhe surpizë për Kosovën lidhur me liberalizimin e vizave.
”Tash jetojmë me këtë realitet. Pa kalim të demarkacionit nuk kalojnë vizat. Njerëzit janë të izoluar për një kusht të tillë. Asnjë vend nuk e ka pasur si kriter demarkacionin. BE ka thënë se kemi mësuar nga e kaluara. Kosova paguan çmimin e gabimeve të BE-së.’’, ka thënë Thaçi në Klan Kosova, transmeton Periskopi.
Ai thotë se vetëm për këtë kusht që ka vënë BE, nuk duhet të privohen për lëvizje studentat, bizenset apo njerëzit në nevojë.
‘’Qytetari i rëndomtë është i privuar, ndërsa njerëzit e politikës mund të lëvizin. Kërkesa ime ndaj Shqipërisë është fisnike dhe humane, aspak politike.’’, ka shtuar ai.
Presidenti e ka pranuar se si shenjë proteste ia kishte vënë BE-së pasaportën shqiptare në tryezë.
‘Po ia kam vendosur si shenjë proteste pasaportën zyrtarëve të BE-së. Pasaporta e Shqiërisë është dhuratë e BE-së të cilën nuk do ta dëshiroja. Unë nuk kam këkruar shtet rezervë, po kam luftuar për shtetin e Kosovës.’’, ka shtuar ai.
‘’Nuk ka qenë presion ndaj Shqipërisë, por nevojë e jona.’’, thotë Thaçi./Periskopi/
