disa sekonda më parëBasri Kodra: Ja si do ta rrëzojmë pushtetin e PDK’së në Kaçanik
Periskopi(9 vite më parë)
(9 vite më parë)Komuna e Kaçanikut është në mesin e 19 komunave ku do të ketë sërish zgjedhje. Besim Ilazi nga Partia Demokratike e Kosovës dhe Basri Kodra nga Lëvizja Vetëvendosje do të përballen në balotazhin e 19 nëntorit. Në një intervistë për Periskopi, Kodra është shprehur i kënaqur me rritjen që ka shënuar Vetëvendosje në këtë komunë, […]
Në zgjedhjet lokale të mbajtura më 22 tetor, mbi 60 për qind e qytetarëve të Kaçanikut kanë votuar kundër PDK’së dhe pushtetit aktual. Kështu ka thënë Basi Kodra në një intervistë për Periskopin, ku u shpreh i bindur se mbi 60 për qind e qytetarëve që në raudin e parë të zgjedhjeve ishin kundër PDK’së, në raudin e dytë do ta mbështesin Lëvizjen Vetëvendosje.
“Ne jemi të kënaqur me rezultatin sepse kemi shënuar rritje krahasuar me zgjedhjet e kaluara lokale. Duke e ditur se shumica e votuesve kanë qenë kundër PDK’së në zgjedhjet e 22 tetorit, atëherë ne shpresojmë se do ta fitojmë garën në balotazh. Mbi 60 për qind e qytetarëve kanë votuar kundër PDK’së”, tha Kodra për Periskopin.
Sipas tij, dëshirë e qytetarëve ka qenë që Partia Demokratike e Kosovës të mos jetë më gjatë në pushtet në Kaçanik.
“Qytetarët që kanë votuar kundër PDK’së e nuk kanë votuar për neve, atë do ta bëjnë në garën e balotazhit. Sepse dëshira e tyre ka qenë që PDK mos me qenë më gjatë në pushtet. Fakti ynë është programi qeverisës, për të cilin qytetarët do të votojnë dhe do të na mbështesin”, deklaroi Kodra.
Ai foli edhe për mundësinë e bashkëpunimit me ndonjë subjekt tjetër në garën e balotazhit.
“Nuk po flasim për koalicione, janë të mirëpritura të gjitha votat varësisht se të cilit subjekt. Ne ende nuk kemi diskutuar për koalicione me parti të tjera. Nuk ka ende ndonjë vendim për këtë. Ajo që është më me rëndësi është disponimi i qytetarëve kundër pushtetit të më parshëm, andaj presim që ai disponim të drejtohet nga ne dhe ta mposhtim PDK’në në garën e balotazhit”, përfundoi Kodra.
Në zgjedhjet e 22 tetorit, Vetëvendosje është renditur partia e dytë në Kaçanik me 20 përqind të votave, ndërsa Partia Demokratike e Kosovës ka arritur të sigurojë 40 për qind të votave. Këto dy parti do të përballen në balotazh me 19 nëntor./Periskopi
