A i kërkoi Haradinaj liberalizimin e vizave Hahnit në këmbim të heqjes së taksës ndaj Serbisë?

Kryeministri i Kosovës, Ramush Haradinaj ka thyer heshtjen e Qeverisë së Kosovës për takimin që ai pati sot me Komisionerin për Zgjerim të Bashkimit Evropian, Johannes Hahn.

Me këtë ai është takuar sot gjatë ditës në ndërtesën e Qeverisë së Kosovës, megjithatë nuk ka mbajtur asnjë konferencë për media.

As në njoftimin për media nuk u tregua se çka u bisedua dhe cilat ishin kërkesat e Hahn. Megjithatë vizita e tij, e dyta brenda dy muajve, vjen pas refuzimit të Qeverisë së Kosovës për heqjen e taksës 100 për qind ndaj produkteve të Serbisë dhe të Bosnjës dhe Hercegovinës.

Haradinaj la për të kuptuar në një postim në Facebook, gati dy orë pas takimit, që me Hahn ka diskutuar çështjen e liberalizimit të vizave.

Në viztën që Hahn pati para vitit të ri në Kosovë, komisionri tha se për liberalizimin mund të flitet tek në vitin 2010. Por duket se kryeministri ka propozuar një marrëveshje tjetër për të, që vendimi të arrihet më shpejtë.

“Në takim me Komisionerin e BE-së për Zgjerim, Johannes Hahn, ritheksova se pozicioni i Kosovës është i palëkundur në rrugën e integrimeve drejt BE-së. Në këtë drejtim, kemi shënuar progres në agjendën europiane dhe pas përmbushjes në tërësi të kritereve për liberalizim presim një vendim të shpejtë, që të na njihet e drejta e lëvizjes së lire”, ka shkruar Haradinaj.

Këmbimi i liberalizmit të vizave me heqjen e taksës duket si opsioni më real për kosovarët që të fillojnë të udhëtojnë lirshëm nëpër Evropë. /Periskopi

Ja postimi i plotë i Haradinajt: