15 minuta më parëTrump: ShBA vrau liderin e bandës venezueliane në një sulm ajror
Periskopi(një orë më parë)
(një orë më parë)Presidenti i Shteteve të Bashkuara, Donald Trump, ka njoftuar se ushtria amerikane ka vrarë Hector Rusthenford Guerrero Flores, i njohur si “Nino Guerrero”, liderin e organizatës kriminale venezueliane Tren de Aragua, në një sulm ajror të koordinuar me autoritetet venezueliane.
“Nën urdhrat e mi, Komanda Jugore e Shteteve të Bashkuara kreu një sulm të shpejtë dhe vdekjeprurës, duke eliminuar me sukses Nino Guerrero-n”, shkroi Trump në rrjetet sociale.
Guerrero Flores ishte lideri për shumë vite i Tren de Aragua, një prej organizatave kriminale më famëkeqe në Amerikën Latine dhe një nga objektivat kryesore të administratës Trump.
Uashingtoni, siç shkruan BBC, e ka shpallur këtë grup si organizatë terroriste të huaj dhe e akuzon për aktivitete kriminale ndërkombëtare, përfshirë trafik droge, trafikim njerëzish dhe krime të tjera të rënda.
Trump publikoi gjithashtu pamje që pretendohet se tregojnë momentin e sulmit, ku shihet një ndërtesë që goditet dhe shpërthen. Ai theksoi se operacioni u zhvillua në bashkëpunim të ngushtë me autoritetet venezueliane.
Edhe autoritetet e Venezuelës konfirmuan pjesëmarrjen e tyre në atë që e përshkruan si një “operacion të përbashkët” kundër elementëve kriminalë.
Nino Guerrero konsiderohej një nga kriminelët më të kërkuar në Amerikën Latine dhe ishte përballur me akuza në ShBA për terrorizëm, trafik droge dhe krim të organizuar.
