10 minuta më parëSulm masiv rus në qytete anembanë Ukrainës, vriten të paktën dhjetë persona
Periskopi(2 ditë më parë)
(2 ditë më parë)Të paktën dhjetë persona janë vrarë dhe dhjetëra të tjerë janë plagosur pasi Rusia nisi një sulm të madh gjatë natës në qytete anembanë Ukrainës.
Gjashtë persona u vranë në Dniepër dhe 36 u plagosën pas sulmeve në orët e para të së martës. Katër persona u vranë në Kiev dhe të paktën 51 u plagosën – me 35 prej tyre në spital, thanë zyrtarët, raporton BBC, transmeton Periskopi.
Kryebashkiaku i Kievit, Vitali Klitschko, tha se dy pallate shumëkatëshe në qytet ishin goditur dhe ka frikë se njerëz janë bllokuar nën rrënoja.
Moska javën e kaluar paralajmëroi se do të nisë “sulme sistematike” ndaj Ukrainës në përgjigje të një sulmi me dron muajin e kaluar në një konvikt në rajonin Luhansk të Ukrainës, i cili është nën kontrollin rus, i cili vrau 21 persona.
