3 minuta më parëLDK në Suharekë me rritje në përqindje, Blerim Kuçi shihet si një nga faktorët kryesorë
Periskopi(një orë më parë)
(një orë më parë)Rezultatet e zgjedhjeve në Suharekë tregojnë një rritje të dukshme të LDK-së në përqindje, sidomos nëse merret parasysh fakti se në këto zgjedhje kanë votuar rreth 11 mijë qytetarë më pak krahasuar me zgjedhjet e 28 dhjetorit 2025.
Në zgjedhjet e dhjetorit, LDK në Suharekë kishte marrë 19.95%, ndërsa në rezultatet aktuale ka arritur në 28.54%. Kjo paraqet një rritje prej 8.59 pikë përqindjeje, duke e forcuar dukshëm pozitën e saj si subjekti i dytë politik në komunë.
Në këtë rezultat, një rol të rëndësishëm duket se ka pasur edhe kandidatura e Blerim Kuçit. Si figurë e njohur në Suharekë, ish-komandant i Brigadës 123 dhe emër me peshë politike e publike, Kuçi ka arritur të mobilizojë një pjesë të konsiderueshme të elektoratit të LDK-së dhe jo vetëm.
Fushata e tij, e ndërtuar mbi tema si zhvillimi ekonomik, siguria, prodhimi vendor, stabiliteti institucional dhe përfaqësimi dinjitoz i Suharekës në Kuvend, duket se ka ndikuar pozitivisht në rritjen e LDK-së në këtë komunë.
Megjithëse suksesi nuk mund t’i atribuohet vetëm një kandidati, pasi në rezultat ndikojnë edhe struktura, kandidatët e tjerë dhe dinamika politike nacionale, është e qartë se Blerim Kuçi ka qenë një nga emrat që i ka dhënë peshë listës së LDK-së në Suharekë.
Në një garë me dalje më të ulët, LDK ka arritur të rritet në përqindje, ndërsa kjo tregon se vota e saj në Suharekë është konsoliduar dhe mobilizuar më mirë se në zgjedhjet paraprake.
