Molliqaj për opozitën: Gabimi më fatal i tyre, do të jetë nëse ja bëjnë Kurtit koorumin për zgjedhjen e Presidentit

Kryetari i PSD-së, Dardan Molliqaj ka folur në lidhje me mundësinë e ringritjes së opozitës.a

Ai potencoi se opozita, në mënyrën mekanike si e shohin tani, s’kanë asnjë mundësi.Sipas Molliqajt, opozita i ka veç edhe dy momente, zgjedhjet e brendshme dhe a ja bëjnë koorumin Albin Kurtit për Presidentin.

Ai tha se gabimi më fatal i ardhshëm i tyre do të jetë nëse ja bëjnë koorumin për zgjedhjen e Presidentit, Albin Kurtit.“Në mënyrën mekanike si këta e shohin, asnjë shancë nuk ka. Unë i kam dëgju shpjegimet e tyre, këta mendojnë thojnë na kanë ik votuesit, kanë me na u kthy votuesit thua ti që votuesi ‘hipën në autobuz e shkon në Gjermani, punon sa punon dhe kthehet sërish’, bukfalisht kjo është logjika. Nuk kthehet votuesi, votuesi bashkohet në një ide, mundet me qenë votues deri dje i Vetëvendosjes, mundet mos me votu hiq, i ri që voton për herë të parë që të ka votu ose jo. Votuesi bashkohet rreth çështjes kauzave dhe ideve. Këta që mendojnë me njëfarë nostalgjie jo ka me u kthy LDK-ja, jo PDK-ja ku e meriton, këto janë tregime jo-politike. Me çfarë unë po shoh, pas rezultatit opozita i ka veç edhe dy momente…zgjedhjet e brendshme të tyre dhe a ja bëjnë koorumin Albin Kurtit për Presidentin. Pas këtij momenti, opozita do të jetë totalisht pasive dhe irrelevante opozita e djeshme. Gabimi më fatal i ardhshëm do të jetë nëse ja bëjnë koorumin për zgjedhjen e Presidentit për dy arsye madhor, cilindo, çfarëdo figure qoftë ajo sepse do t’i shërbejë Albin Kurtit për dy çështje që janë të rëndësisë jetike për me e shtri kontrollin në institucione që e kanë bë njëfarë balance. Gjykata Kushtetuese i ka dy gjyqtar të cilët siç e dini në fund edhe Presidentja i çertifikon. Njëjtë e rëndësishme është edhe Kryeprokurori. Ju e dini që Vjosa Osmani shërbimin më të madh, për mua nuk është data e zgjedhjeve, por Kryeprokurori i cili ka mandat shtatë vjeçar. Kryeprokurori nuk është zgjedh për shkak se Vjosa Osmani ka vendos me refuzu njëanshëm dhe Albin Kurti ka dalë në Kuvendin e Kosovës dhe ka thënë …’Ky person nuk ka me u bë Kryeprokuror’.

“Pra çfarë është roli i Presidentit të ardhshëm, dy pika i ka ai…’me ja zgjedh Kryeprokurorin sipas qejfit të Albinit që ai me marr organin e akuzës në dorë dhe e dyta ….ja me i qu do gjyqtarë të Kushtetueses që e dëgjojnë 100% pushtetin e Albin Kurtit, ja me e bë jo-funksionale Gjykatën Kushtetuese qoftë përmes mos-votimit në Kuvend të gjyqtarëve, qoftë përmes refuzimit nga Presidenti eventual. Prandaj përgjegjësi historike kanë me mbajt kushdo prej deputetëve që e bën, kjo nuk është shaka, sepse pushtetet autoritare kur e kapin plotësisht nën kontroll shtetin janë dy institucionet kryesore…’Gjykata Kushtetuese dhe kur e marrin organin e akuzës, Kryeprokurinë” tha Molliqaj në Blic Interview.

Rasti Thaçi dhe të tjerët, Tromp flet për dëshmitë e nivelit të lartë dhe skenarët e vendimit.