Arian Tahiri: Do të jem kryetar i terrenit, i realitetit dhe i zgjidhjes së problemeve të përditshme për qytetarët

Kandidati i Partisë Demokratike të Kosovës për kryetar të Mitrovicës, Arian Tahiri, ka shprehur edhe një herë përkushtimin e tij ndaj qytetit dhe qytetarëve mitrovicas.

“Sa herë që flas me qytetarët e Mitrovicës, flas si njëri prej tyre, si djalë i këtij qyteti që e do dhe e njeh mirë. Unë do të jem kryetar i terrenit, i realitetit dhe i zgjidhjes së problemeve të përditshme të qytetarëve tanë.”, ka shkruar Tahiri.

”Sepse, Mitrovicën e duam më së shumti, atëherë kur punojmë shumë për të,”- shtoi ai në një postim në Facebook.