9 minuta më parëDepartamenti i SHtetit për takimin Osmani-Landau: Bashkëpunimi ekonomik do të lëvizë rajonin nga përçarjet e së kaluarës
Periskopi(një vit më parë)
(një vit më parë)Presidentja Vjosa Osmani është pritur në takim nga Zëvendëssekretar i Shtetit, Christopher Landau, në Washington D.C. Për këtë takim ka folur edhe zëdhënësja e Departamentit të Shtetit, Tammy Bruce, e cila tha se Osmani e Landau kanë diskutuar për bashkëpunimin mes dy vendeve. “Zëvendëssekretari i Shtetit Christopher Landau u takua me Presidenten e Kosovës Vjosa […]
Për këtë takim ka folur edhe zëdhënësja e Departamentit të Shtetit, Tammy Bruce, e cila tha se Osmani e Landau kanë diskutuar për bashkëpunimin mes dy vendeve.
“Zëvendëssekretari i Shtetit Christopher Landau u takua me Presidenten e Kosovës Vjosa Osmani-Sadriu. Ata diskutuan fushat e mundshme të bashkëpunimit ekonomik në të ardhmen dhe shprehën besimin se prosperiteti dhe bashkëpunimi ekonomik do të ndihmojnë Ballkanin Perëndimor të lëvizë nga përçarjet e së kaluarës dhe do të promovojnë paqe dhe stabilitet të qëndrueshëm në rajon”, tha ajo.
Pak më herët, Osmani në një postim në Facebook ka falënderuar Landaun “për mikpritjen e ngrohtë dhe diskutimin e hapur”, raporton Express.
“Kosova qëndron krah për krah me Shtetet e Bashkuara për të ndërtuar kapituj të rinj të bashkëpunimit strategjik, në përputhje me vizionin e fortë të Presidentit Trump. Më shumë siguri. Më shumë zhvillim. Më shumë mundësi për qytetarët tanë dhe bizneset tona”.
