Transportuesit e Llapit në shenjë revolte ndalin autobusët para komunës së Prishtinës, kjo është arsyeja

Transportuesit e Komunës së Podujevës kanë ndërprerë punën në shenjë proteste ndaj një vendimi të Komunës së Prishtinës, e cila u ka ndaluar hyrjen në kryeqytet pa asnjë njoftim paraprak, transmeton Periskopi.

Sipas operatorëve të transportit, kjo masë ka shkaktuar pakënaqësi të madhe, duke ndikuar drejtpërdrejt në lëvizjen e qytetarëve mes Podujevës dhe Prishtinës.

Ata e konsiderojnë këtë vendim të padrejtë dhe të dëmshëm për bizneset e tyre.

Kjo nuk është hera e parë që transportuesit e Podujevës kundërshtojnë vendimet e Komunës së Prishtinës. Edhe në të kaluarën ka pasur përplasje mes palëve lidhur me rregullimin e transportit ndër-urban.

Ndërkohë, transportuesit janë mbledhur para objektit të Komunës së Prishtinës, ku po kërkojnë sqarime dhe një zgjidhje për situatën e krijuar.