2 orë më parëReuters shkruan për vizitën e Rutte-s: Nxiti Kosovën dhe Serbinë të përshpejtojnë normalizimin e marrëdhënieve
Periskopi(një vit më parë)
(një vit më parë)Sekretari i Përgjithshëm i NATO-s Mark Rutte tha të martën se aleanca është e përkushtuar ndaj misionit të saj paqeruajtës në Kosovë dhe u kërkoi udhëheqësve politikë në Beograd dhe Prishtinë që të përshpejtojnë dialogun për të zgjidhur çështjet e pazgjidhura dhe për të hapur rrugën drejt paqes së qëndrueshme, ka shkruar Reuters për vizitën e djeshme […]
“NATO ka mbështetur paqen dhe stabilitetin në rajonin e Ballkanit Perëndimor për 30 vjet tani. Angazhimi ynë mbetet i fortë sot, i kryesuar nga KFOR-i”, tha Rutte, duke iu referuar misionit paqeruajtës të NATO-s në Kosovë, shkruan Reuters, transmeton Periskopi.
NATO do të vazhdojë të mbështesë plotësisht normalizimin e marrëdhënieve ndërmjet Beogradit dhe Prishtinës, të udhëhequr nga Bashkimi Europian.
Rutte foli në Prishtinë gjatë një vizite tek 4,686 personeli ushtarak i KFOR-it, shkroi Reuters, duke dhënë më pas edhe sfondin për pavarësinë e Kosovës.
Kosova shpalli pavarësinë në vitin 2008, pothuajse një dekadë pasi NATO bombardoi forcat serbe për të ndaluar vrasjen dhe dëbimin e shqiptarëve etnikë nga rajoni gjatë një lufte kundër një kryengritje 1998-99.
Por, në kushtetutën e saj, Serbia ende e konsideron Kosovën si pjesë integrale të territorit të saj.
Rutte tha se dialogu “është mënyra e vetme për të zgjidhur çështjet pezull dhe për të siguruar një të ardhme të qëndrueshme, duke siguruar që të drejtat e të gjitha komuniteteve të respektohen dhe të mbrohen”.
Ai u bëri thirrje palëve të tregojnë fleksibilitet dhe kompromis.
Si Kosova, ashtu edhe Serbia synojnë të anëtarësohen në Bashkimin Europian, por për të pasë përparim, duhet të normalizojnë marrëdhëniet dhe të vendosin marrëdhënie diplomatike. Në vitin 2013 palët ranë dakord për një dialog të lehtësuar nga BE, por pak përparim është bërë.
“Normalizimi sjell stabilitet më të madh, më shumë mundësi investimi dhe gjithashtu siguri të qëndrueshme në të gjithë rajonin, për të mirën e të gjithëve”, tha Rutte.
