6 orë më parëPritshmëritë e Orav për qeverinë e ardhshme: Angazhimi në dialog
Periskopi(një vit më parë)
(një vit më parë)Shefi i Zyrës së BE-së në Kosovë, Avio Orav, ka shpalosur sot pritshmëritë e Unionit për qeverinë e re të Kosovës. Të parën që e radhit ai është angazhimi i qeverisë që do formohet nga zgjedhjet e 9 shkurtit në dialogun e lehtësuar nga BE-ja “Në fjalimin tim sot, ndava pritshmëritë e mia për qeverinë […]
Të parën që e radhit ai është angazhimi i qeverisë që do formohet nga zgjedhjet e 9 shkurtit në dialogun e lehtësuar nga BE-ja
“Në fjalimin tim sot, ndava pritshmëritë e mia për qeverinë e ardhshme të Kosovës: për t’u angazhuar në mënyrë konstruktive në dialogun e lehtësuar nga BE; për ta udhëhequr Kosovën në rrugën e reformave vendimtare”.
Ai tha se Plani i Rritjes është “një mjet i shkëlqyer” për të mbështetur Kosovën në rrugëtimin e saj në BE.
Këto komente Orav i bëri gjatë prezantimit të Barometrit të Reformave Europiane 2024 nga Grupi për Studime Juridike dhe Politike (GLPS) dhe Instituti i Kosovës për Politika Europiane (EPIK) sot në Prishtinë.
Në këtë barometër u tha se që nga hyrja në fuqi e Marrëveshjes së Stabilizim- Asociimit, Kosova nuk ka bërë asnjë përparim në rrugën integruese.
Orav shtoi se ky barometër është i rëndësishëm për vlerësimin e perfomancës së qeverisë për reformat drejt BE-së.
“Barometri i Reformave Europiane, i mbështetur nga ambasada e Holandës në Kosovë dhe që u implementua nga GLPS dhe Instituti Epik, është një mjet i vlefshëm në procesin e zgjerimit: ai vlerëson performancën e qeverisë dhe ministrisë në reformat e BE-së dhe ndihmon në përmirësimin e llogaridhënies së institucioneve publike”, tha ai.
