Një padi e re kundër Diddy përmend edhe dy personazhe të tjerë të famshëm

Gjegjësisht, një grua e identifikuar si Ashley Parham ngriti një padi kundër P Diddy, komedianit Druski dhe yllit të NFL Odell Beckham Jr., duke i akuzuar ata për sulm seksual ndaj saj në vitin 2018.

Ylli i NFL, Odell Beckham Jr. dyshohet se ka marrë pjesë në sulmin e Ashley Parham në një shtëpi në Orinda, Kaliforni, në mars 2018.

Gjatë përdhunimit të dyshuar në grup, të pandehurit e tjerë thuhet se e quanin Beckham “Cornelius”, që është emri i tij i dytë.

Beckham u shfaq edhe në rrjetet sociale dhe bëri një reagim rreth këtij pretendimi.

“Unë me të vërtetë nuk mund të besoj se emri im përmendet në këtë situatë. Nuk ka absolutisht asnjë të vërtetë në këto pretendime. Nuk e di dhe nuk e kam takuar asnjëherë personin që ka bërë ankesën. Nuk kam bërë kurrë diçka të tillë dhe nuk do t’ia bëja askujt një gjë të tillë. Jam i bindur se këto akuza qesharake kundër meje do të hidhen poshtë”, tha ai.

Një tjetër personazh i famshëm i përmendur në padi është komediani dhe aktori Druski, emri i vërtetë i të cilit është Dreë Desbordes. Ai u akuzua gjithashtu për pjesëmarrje në një përdhunim në grup, por ai menjëherë i mohoi akuzat dhe tha se ishte “plotësisht i sigurt” se do të ishte i pafajshëm.

“Ky pretendim është një gënjeshtër e sajuar. Unë nuk kam qenë as personazh publik në vitin 2018”, shkroi mes tjerash në X, raporton telegrafi.

P Diddy dyshohet se përdori një telekomandë për të përdhunuar një grua në përpjekje për t’u hakmarrë pasi ajo tha një muaj më parë se besonte se ai kishte diçka të bënte me vrasjen e Tupac.

Për kujtesë, P Diddy u arrestua më 16 shtator në New York dhe do të qëndrojë në paraburgim deri në fillimin e gjyqit, i cili është caktuar për 5 maj të këtij viti.