6 orë më parëNë Maqedoninë e Veriut fillon mbylljen masive të objekteve pa leje
Periskopi(një vit më parë)
(një vit më parë)Autoritetet në Maqedoninë e Veriut kanë mbyllur 15 restorante pasi një zjarr në një disko në Koçan vrau 59 persona. Objektet e hotelerisë, kryesisht kabaretë, klubet e natës dhe diskotekat, janë mbyllur për shkak se nuk kanë leje të vlefshme operimi, tha Marija Miteva, zëdhënëse e Qeverisë së Maqedonisë së Veriut, raporton Anadolu, transmeton Periskopi. […]
Objektet e hotelerisë, kryesisht kabaretë, klubet e natës dhe diskotekat, janë mbyllur për shkak se nuk kanë leje të vlefshme operimi, tha Marija Miteva, zëdhënëse e Qeverisë së Maqedonisë së Veriut, raporton Anadolu, transmeton Periskopi.
Ajo vuri në dukje se Inspektorati Shtetëror i Tregut ka kryer 50 kontrolle në objektet e regjistruara si kabare dhe diskoteka, duke konstatuar se vetëm 22 kishin licencë të vlefshme, ndërsa 15 nuk kishin ose kishin licencë të skaduar.
Inspektorati Shtetëror i Tregut ka ndaluar funksionimin e të gjitha objekteve pa leje.
Nga zjarri në një lokal nate në Koçan, i shkaktuar nga mjetet piroteknike, humbën jetën 59 persona dhe mbi 150 të tjerë u plagosën, të paktën 20 prej të cilëve janë në gjendje të rëndë.
U konstatua se lokali i natës nuk kishte licencë për të funksionuar.
Në Maqedoninë e Veriut është shpallur shtatë ditë zie./Periskopi/
