Juristja e medias: Menaxhmenti i RTK-së po i detyron gazetarët me iu nënshtru propagandës së Lëvizjes Vetëvendosje

Juristja e medias Flutura Kusari ka shprehur shqetësimin e saj për cenzurimin dhe kontrollin që menaxhmenti i RTK-së po ua bën gazetarëve të këtij televizioni.

Ajo ka bërë me dije se menaxhmeti aktuale po i terrorizon gazetarët me procedura disiplinore dhe vendime të padrejta.

Në profilin e saj në “Facebook”, ajo ka shkruar se metoda të tilla janë përdorë në Hungari, Poloni dhe Sllovaki për t`i frikësuar gazetarët.

“Jam thellësisht e shqetësuar me shtypjen, tentim-cenzurimin dhe kontrollin që menaxhmenti i RTK-së po ia bën gazetarëve profesionistë dhe të pavarur të RTK-së. Menaxhmenti aktual është duke i ndjekë të njëjtat metoda që janë përdorë në Hungari, Poloni (përpara),Sllovaki etj me i frikësu gazetarët dhe me i detyru me iu nënshtru propagandës së Lëvizjes Vetëvendosje. Një prej metodave kryesore është me i terrorizu gazetarët me procedura disiplinore dhe vendime të padrejta kinse për shkelje të rregullave. Një gjë e tillë ka ndodhë sot. Thellësisht e shqetësuar. Turp për këtë menaxhment shtypës dhe cenzurues”, ka shkruar Kusari.