Eurodeputeti holandez: Shpresoj që qasja e emisarit të ri për dialogun Kosovë – Serbi të çojë në rezultate

Ai ka thënë se në Kosovë gjithmonë ekziston rreziku i provokimit nga ana e Serbisë, duke tentuar të lidhin një çështje me një tjetër, transmeton Periskopi.

“E dimë këtë gjë, dhe e kemi parë këtë paraprakisht. Madje kemi parë edhe sulme në territorin e Republikës së Kosovës, që të hiqet vëmendja nga zhvillime të brendshme në Serbi. Gjithmonë duhet të jemi gati, por unë shpresoj dhe u bëj thirrje miqve tanë në Kosovë që të mos provokohen dhe të mos lejohet që kjo të ju udhëheq agjendën tuaj”, ka potencuar Reuten.

Tutje, eurodeputeti holandez ka theksuar se është e rëndësishme që Kosova të investojë në raportet bilaterale me shtetet anëtare të BE-së, në mënyrë që të fokusohen në reforma në vend “e të mos provokohen nga veprime që gjithnjë mund të ndodhin”.

“Duhet të qëndrojmë së bashku në këtë: të shmangim çdo tension të panevojshëm në raporte të ndryshme. Kjo nuk do të thotë se raporti në fjalë nuk do të mbetet i zorshëm për një kohë. Por shpresoj që qasja e emisarit të ri për dialogun Kosovë-Serbi, mund të çojë te rezultate më ndryshe”, ka thënë ai për Klanin.

Reuten ka deklaruar se është e nevojshme një qasje tjetër në procesin e dialogut sepse, siç u shpreh, “qasja që e kishim deri tani nuk na solli rezultatet që ne po shpresonim”.

Po ashtu, eurodeputeti Reuten ka theksuar se duhet të procesohet aplikimi i Kosovës për statusin e vendit kandidat.