6 orë më parëDuda Balje voton Qeverinë e re, por me tri kushte
Periskopi(një vit më parë)
(një vit më parë)Derisa LDK-ja ka mohuar kategorikisht një koalicion me Lëvizjen Vetëvendosje, kanë filluar të debatohen edhe pozicionet e partive të komuniteteve jo-shumicë. Deputetja e SDU-së, Duda Balje ka deklaruar se ajo ka tri kushte që do t’ia paraqesë me shkrim secilit pretendent për të formuar qeverinë. “Po presim certifikimin e rezultatit. Do ta votojë atë kryeministër […]
Deputetja e SDU-së, Duda Balje ka deklaruar se ajo ka tri kushte që do t’ia paraqesë me shkrim secilit pretendent për të formuar qeverinë.
“Po presim certifikimin e rezultatit. Do ta votojë atë kryeministër që plotëson kushtet tona. Këto kushte lidhen me nevojat për komunitetin boshnjak. Jo vetëm për kryeministrin aktual, por edhe për këto tjetër ne kemi kushtet që janë shumë të rëndësishme për ne”, tha ajo në TV Dukagjini.
“Për 20 vite asnjë kryeministër nuk i ka marrë seriozisht këto çështje por për neve ato janë shumë të rëndësishme dhe me prioritet. Ndër më kryesorja është formimi i komunës së boshnjakëve (Komuna e Zhupës), e disa reforma në arsim”, ka deklaruar tutje Balje.
Deri më tani PDK, LDK dhe AAK kanë refuzuar mundësinë që të bëjnë koalicion me Lëvizjen Vetëvendosje.
Por një qëndrim më të relaksuar e ka patur kryetari i NISMA-s Fatmir Limaj, i cili ka deklaruar se nuk ka vija të kuqe për askënd.
