4 orë më parëAvokati amerikan i Veliajt nuk lejohet në seancë
Periskopi(një vit më parë)
(një vit më parë)Këtë të martë po zhvillohet seanca për ankimin e kryebashkiakut Erion Veliaj për masën e arrestit me burg ndërsa është vendosur që avokati i ardhur nga Amerika nuk do të lejohet të jetë pjesë e kësaj seance në rolin e vëzhguesit. Avokati amerikan Joshua Roberts, i cili ka mbërritur në Shqipëri, pati një takim të […]
Këtë të martë po zhvillohet seanca për ankimin e kryebashkiakut Erion Veliaj për masën e arrestit me burg ndërsa është vendosur që avokati i ardhur nga Amerika nuk do të lejohet të jetë pjesë e kësaj seance në rolin e vëzhguesit.
Avokati amerikan Joshua Roberts, i cili ka mbërritur në Shqipëri, pati një takim të hënën me z. Veliaj në Burgun e Durrësit dhe më pas foli për mediat, ku tha se, sipas Kushtetutës dhe ligjit amerikan, arrestimi i Veliajt është në kundërshtim me ligjin.
Joshua Roberts tha se kishte ardhur në Shqipëri në rolin e vëzhguesit dhe se të martën do të vëzhgonte argumentet e apelimit në lidhje me lirimin me kusht të Kryetarit të Bashkisë së Tiranës, Erion Veliaj.
Por sot u vendos që ai nuk do të lejohet të jetë vëzhgues në seancën për ndryshimin e masës së sigurimit.
Seanca po drejtohet nga gjyqtari Engert Pëllumbi, ndërsa Veliaj e ka quajtur arrestimin të pabazuar dhe ka kërkuar lirinë, duke argumentuar se nuk ka mundësi të shkatërrojë provat apo të largohet nga vendi./euronews
