8 orë më parëTrump: Starmeri e Macroni s’bënë kurrgjë për t’i dhënë fund luftës – Zelensky s’është aq i rëndësishëm
Periskopi(një vit më parë)
(një vit më parë)Presidenti i Shteteve të Bashkuara, Donald Trump, ka thënë se kryeministri britanik, Keir Starmer dhe presidenti francez, Emmanuel Macron, s’kanë bërë kurrgjë për t’i dhënë fund luftës mes Rusisë dhe Ukrainës. Trump u pyet për takimet e tij të ardhshme me Starmerin dhe Macronin, por u përgjigj duke thënë se “ata nuk bënë asgjë, asnjë […]
Presidenti i Shteteve të Bashkuara, Donald Trump, ka thënë se kryeministri britanik, Keir Starmer dhe presidenti francez, Emmanuel Macron, s’kanë bërë kurrgjë për t’i dhënë fund luftës mes Rusisë dhe Ukrainës.
Trump u pyet për takimet e tij të ardhshme me Starmerin dhe Macronin, por u përgjigj duke thënë se “ata nuk bënë asgjë, asnjë takim me Rusinë”.
“Ata nuk kanë bërë asgjë. Macroni është mik i imi ndërsa Stramer është një djalë shumë i mirë, por asnjëri prej tyre nuk kanë bërë asgjë”, tha Trump për Fox News, transmeton Klankosova.tv.
Kurse, për sa i përket takimeve mes palës amerikane dhe asaj ruse dhe mospërfshirjen e Ukrainës në bisedime për paqe, Trump tha se “Zelensky nuk është aq i rëndësishëm”.
“Zelensky ankohet se nuk ka qenë në takime, por ai ishte në takime për tri vjet dhe asgjë nuk është bërë, kështu që mendoj se ai nuk është shumë i rëndësishëm që të jetë në takime”.
“Ka tri vjet që është në takime dhe shiko çfarë ka ndodhur me vendin e tij, është shkatërruar”, tha Trump.
