6 orë më parëPa u shpallur rezultatet finale – Kurti: Lëvizja Vetëvendosje është fituese e zgjedhjeve
Periskopi(një vit më parë)
(një vit më parë)Kryeministri Albin Kurti ka thënë se Lëvizja Vetëvendosje është fituese e zgjedhjeve parlamentare të vitit 2025. Nga tubimi i VV-së në shesh, Kurti ka falënderuar simpatizantët e kësaj partie për mbështetjen e vazhdueshme. “Faleminderit shumë për këtë festë pas fitores sonë. Urime e gëzuar të gjithëve. Nuk i kemi ende rezultatet përfundimtare, por rezultate preliminare […]
Nga tubimi i VV-së në shesh, Kurti ka falënderuar simpatizantët e kësaj partie për mbështetjen e vazhdueshme.
“Faleminderit shumë për këtë festë pas fitores sonë. Urime e gëzuar të gjithëve. Nuk i kemi ende rezultatet përfundimtare, por rezultate preliminare tregojnë që Lëvizja Vetëvendosje është fituese e zgjedhjeve të 9 shkurtit 2025. I falënderoj të gjithë votuesit tanë që na kanë mbështetur si kurorëzim i një pune 1 mujore në fushatë, 4 vjet në qeverisje e 20 vjet në lëvizje. Faleminderit të gjithëve”, tha Kurti.
Gjithashtu kreu i LVV-së shtoi se procesi zgjedhor ishte demokratike e i qetë për shkak se partia e tij ishte në pushtet.
“Procesi zgjedhor ka qenë ai i zgjedhjeve të lira dhe të ndershme. Ka qenë proces demokratik, pa incidente. E falënderoj edhe policinë edhe mekanizmat shtetëror, por kështu ndodh kur qeveria jonë është në pushtet. Ne do t’i vazhdojmë punët e mira të cilat i kemi nisur në qeverisjen tonë”, tha mes të tjerash Kurti.
