6 orë më parëNjë delegacion i Asamblesë Parlamentare të KiE-së do t’i monitorojë zgjedhjet në Kosovë
Periskopi(një vit më parë)
(një vit më parë)Një delegacion 18-anëtarësh i Asamblesë Parlamentare të Këshillit të Evropës (PACE), i drejtuar nga austriakja Petra Bayr, do t’i vëzhgojë zgjedhjet në Kosovë që do të mbahen më 9 shkurt. Delegacioni do të jetë në Kosovë nga 7 deri më 10 shkurt, është njoftuar nga PACE. “Delegacioni do të takohet me liderë dhe përfaqësues të […]
Delegacioni do të jetë në Kosovë nga 7 deri më 10 shkurt, është njoftuar nga PACE.
“Delegacioni do të takohet me liderë dhe përfaqësues të partive kryesore politike, me kryesuesin dhe anëtarët e Komisionit Qendror të Zgjedhjeve me kryevëzhguesin e misionit të BE-së për monitorim të zgjedhjeve, si dhe me Komisionin e Pavarur të Mediave, me përfaqësues të mediave e shoqërisë civile, përpara se të vëzhgojë votimin më 9 shkurt”, thuhet në njoftim.
Një përfaqësues i Komisionit të Venecias – grup i ekspertëve ligjor të pavarur të Këshillit të Evropës – do të ofrojë këshilla ligjore gjatë misionit vëzhgues të zgjedhjeve parlamentare.
