4 orë më parëKurti vazhdon me fyerje ndaj zyrtarëve amerikanë, Grenellin e quan të cekët
Periskopi(një vit më parë)
(një vit më parë)Kryeministri Albin Kurti, vijon me fjalor fyes në drejtim të opozitës e sonte edhe për të dërguarin e presidentit amerikan Donald Trump për misione speciale, Richard Grenell. Për Kurtin, Grenelli është “një zyrtar amerikan që opozita e gjen me sha kryeministrin e Kosovës”. Në vitin 2023 Kurti e kishte quajtur naiv Sekretarin Blinken ndërsa të […]
Kjo gjuhë e Kurtit vjen disa ditë pasi Grenell u tha qytetarëve se Kurti po gënjen se është i afërt me SHBA-në. Alarm ky që është ngritur kohë më parë nga opozita e shoqëria civile.
Kryeministri Kurti nuk ka të ndalur me fyerje e ofendime që nga fillimi i fushatës ndaj opozitës, teksa tani ka zgjedhur që të njëjtën ta bëjë edhe ndaj Grenell.
“Kjo opozita shpreson së brendshmi te pazaret mas partive e midis tyre dhe jo te programet e secilës. Opozita shpreson te i jashtmi dhe te naj ndërkombëtar i cili lodhet kur e sheh Kosovën në këtë ekuacion gjeopolitik, thotë pse me humb kohë me ta, mirëpo ky soj opozite e lyp fatin me qiri te naj ndërkombëtar i cekët, e jo në thellësinë historike të kombit tonë ku gjithmonë gjenden zgjidhjet më të mira për popullin tonë. Prandaj, këta të cilët këqyrin me gjetë naj zyrtar amerikan për me jau sha kryeministrin e Republikës së tyre këta nuk duhet të kthehen kurrë të dashur qytetarë. Për këta nuk mund të kemi as vlerësim as respekt. Në vend se me i mirëpërdorë Shtetet e Bashkuara të Amerikës kundër Serbisë këta këqyrin atje me shku me gjetë naj zyrtar kundër kryeministrit të juj”, tha Kurti në një tubim në Pejë gjatë ditës së sotme.
Kujtojmë se Grenell ka pohuar e gjithë bashkësia ndërkombëtare është kundër Kurtit.
“Administrata Trump ka punuar dhe do të vazhdojë të punojë drejt paqes për të gjithë në Ballkan. Por ne kemi nevojë për partnerë të besueshëm. Qeveria Kurti nuk ishte e besueshme gjatë mandatit të parë të Trump, as gjatë mandatit të Bidenit. Si republikanët ashtu edhe demokratët e kanë kritikuar vazhdimisht Kurtin për ndërmarrjen e veprimeve të njëanshme që e destabilizojnë rajonin. Po ashtu edhe BE-ja dhe NATO-ja. Bashkësia ndërkombëtare është e bashkuar kundër Kurtit”, shkroi Grenell në X.
Njeriu i rëndësishëm i Trump tha se “kompanitë amerikane po zgjerohen në Shqipëri dhe Serbi, por nuk po zgjerohen në Kosovë për shkak të Kurtit”.
“Kurti ka qenë gjithashtu kundër çdo ideje të SHBA-së të ofruar nga presidentët Clinton, Bush, Obama, Biden dhe Trump”.
“Retorika e përdorur nga Kurti tani, duke pretenduar se është i afërt me SHBA-në dhe më mirë se të gjitha qeveritë e tjera të Kosovës, është absolutisht e rreme. Mos u mashtroni”, shkroi Grenell.
