Gucati: Jemi kundër gjykatave të njëanshme e politike që po i gjykojnë e dënojnë ish-pjesëtarët e UÇK-së

“OVL-UÇK, nuk është dhe asnjëherë nuk ka qenë kundër drejtësisë, as kundër gjykatave që vërtet bëjnë drejtësi, por jemi kundër atyre gjykatave të njëanshme e politike që po i gjykojnë e dënojnë ish-pjesëtarët e UÇK-së, pa baza ligjore, me dëshmi të paqëndrueshme e me dëshmitar të rrejshëm, vetëm e vetëm për përfitimet e tyre personale, pra, shkrimin po e përmbylli me thënien: “drejtësia sado që vonon, një ditë do të vije në vend”, ka thënë Gucati.

Postimi i plotë i Gucatit:

Duke e analizuar situatën aktuale për padrejtësitë që po u bëhen pjesëtarëve të UÇK-së, dhe ato që janë bërë në vazhdimësi, duke filluar nga “gjykata” e UNMIK-ut, për rastin “Hajra”, ku vëllezërit Ramadani u dënuan, pa prova e fakte, vetëm për ta mbyllur procesin, e që kjo është shkelje e rëndë ligjore dhe të drejtave të njeriut, që dikush të dënohet sa për të thënë se “gjykatat” po funksionojnë, dhe tani, pas sa e sa viteve kur kërkohet që drejtësia të vije në vend, organet e drejtësisë ose heshtin, ose zhduken provat (ashtu siç edhe ndodhi me rastin “Hajra” e raste tjera), prandaj ne si OVL-UÇK, përkrahim iniciativën për zbardhjen e plotë të rastit “Hajra” dhe të shumë rasteve tjera që janë dënuar ish-pjesëtarët e UÇK-së që nga paslufta e deri sot, përfshi këtu edhe rastet e “gjykatës speciale.

OVL-UÇK, nuk është dhe asnjëherë nuk ka qenë kundër drejtësisë, as kundër gjykatave që vërtet bëjnë drejtësi, por jemi kundër atyre gjykatave të njëanshme e politike që po i gjykojnë e dënojnë ish-pjesëtarët e UÇK-së, pa baza ligjore, me dëshmi të paqëndrueshme e me dëshmitar të rrejshëm, vetëm e vetëm për përfitimet e tyre personale, pra, shkrimin po e përmbylli me thënien: “drejtësia sado që vonon, një ditë do të vije në vend.

26.02.2025.

Me respekt: H. G