Grevat në dy aeroportet e mëdha në Gjermani, anulohen 80% e fluturimeve

Aeroporti i Mynihut paralajmëroi se më shumë fluturime mund të anulohen dhe u bëri thirrje pasagjerëve të kontaktojnë linjat e tyre ajrore, raporton Reuters.

Sindikata Verdi njoftoi se stafi i aeroportit të Hamburgut, si dhe shërbimet duke përfshirë mirëmbajtjen, IT, sigurinë dhe trajtimin e bagazheve, nuk do të punojnë për dy ditë.

Shoqata gjermane e aeroporteve ADV tha se grevat, si ato në aeroportet e Dyseldorfit dhe Këlnit në fillim të kësaj jave, do të preknin rreth 300,000 pasagjerë.

“Grevat dy-ditore që kanë shkëputur rajonet metropolitane gjermane nga trafiku ajror ndërkombëtar shkojnë shumë përtej asaj që mund të cilësohet si greva simbolike”, tha ADV.

Verdi ka organizuar disa greva në të gjithë Gjermaninë që nga fillimi i negociatave për pagat në janar, dhe qëllimi i grevës paralajmëruese të sotme në Mynih është të ushtrojë presion mbi qeverinë për të negociuar pagat e sektorit publik.