7 orë më parëAIP kërkon nga KQZ dhe partitë politike që të sigurojnë mbrojtjen e të dhënave personale gjatë zgjedhjeve
Periskopi(një vit më parë)
(një vit më parë)Agjencia për Informim dhe Privatësi ka kërkuar nga KQZ dhe partitë politike që të sigurojnë mbrojtjen e të dhënave personale gjatë procesit zgjedhor. AIP ka kërkuar që të sigurojë vendosjen e kamerave të sigurisë dhe kabinave të votimit në përputhje me Ligjin për Mbrojtjen e të Dhënave Personale në mënyrë që të shmanget cenimi i […]
AIP ka kërkuar që të sigurojë vendosjen e kamerave të sigurisë dhe kabinave të votimit në përputhje me Ligjin për Mbrojtjen e të Dhënave Personale në mënyrë që të shmanget cenimi i privatësisë së qytetarëve dhe fshehtësisë së votës.
“Agjencia për Informim dhe Privatësi (AIP) i bën thirrje Komisionit Qendror të Zgjedhjeve (KQZ) që gjatë procesit të votimit të sigurojë vendosjen e kamerave të sigurisë dhe kabinave të votimit në përputhje të plotë me Ligjin Nr 06/L-82 për Mbrojtjen e të Dhënave Personale, duke shmangur çdo cenim të privatësisë së qytetarëve dhe fshehtësisë së votës. Agjencia po ashtu përsërit kërkesën për Partitë Politike për mbrojtjen e të dhënave personale të qytetarëve në komunikimet nëpërmjet postës elektronike (e-mail), mesazhet (SMS) dhe thirrjeve telefonike, pa pëlqim paraprak.”
AIP ka shtuar se çdo shkelje e parimeve të mbrojtjes së të dhënave personale do të trajtohet në përputhje me Ligjin për Mbrojtjen e të Dhënave Personale dhe kompetencat ligjore të Agjencisë.
