KOMF dorëzon propozimet për mbrojtjen e fëmijëve drejt kandidatëve për deputetë, duke kërkuar zotim dhe mbështetje

Fushata ka për qëllim ftesën drejtuar të gjithë kandidatëve për deputetë nga të gjitha partitë politike që të bashkohen me propozimin e KOMF për krijimin e “Grupit të Deputetëve për Fëmijë” dhe të mbështesin politikat që fokusohen në mirëqenien e fëmijëve.

“Mirëqenia e çdo fëmije në Kosovë është çështje ndërpartiake dhe duhet të jetë prioritet për Kuvendin,” tha KOMF në njoftimin zyrtar, duke theksuar se Kuvendi i Kosovës duhet të jetë garantuesi kryesor i mundësive më të mira për çdo fëmijë.

“Prandaj, u bëjmë thirrje kandidatëve për deputetë të bëhen Mbrojtës të të drejtave të fëmijëve, të nënshkruajnë Deklaratën që angazhohen të mbështesin fëmijët në Kosovë dhe me të cilën do të jenë pjesë e “Grupit të Deputetëve për Fëmijë”.

Grupi i Deputetëve për Fëmijë ka për qëllim mbledhjen e deputetëve nga parti të ndryshme politike, të cilët ndajnë bindjen se politikat për fëmijët dhe familjet duhet të jenë prioritet.

Në kuadër të nismës, KOMF kërkon konsensus dhe bashkëpunim konstruktiv ndërmjet deputetëve dhe shoqërisë civile, duke besuar se “së bashku mund të arrijmë ndryshime pozitive në politikat për fëmijët dhe familjet”, u ths tutje në njoftim.