2 orë më parë“Ishte akt terrorist”, FBI: Autori i sulmit në New Orleans veproi i vetëm
Periskopi(një vit më parë)
(një vit më parë)I dyshuari për sulmin vdekjeprurës me kamion në rrugën Bourbon në New Orleans herët të enjten, ka të ngjarë të jetë një ‘ujk i vetmuar’ pa asnjë bashkëpunëtor të njohur, njoftoi FBI në një konferencë për shtyp. “Ne nuk vlerësojmë në këtë pikë se dikush tjetër është i përfshirë në këtë sulm, përveç Shamsud-Din Jabbar, […]
“Ne nuk vlerësojmë në këtë pikë se dikush tjetër është i përfshirë në këtë sulm, përveç Shamsud-Din Jabbar, temë për të cilën jeni informuar tashmë”, tha Christopher Raia, nga Divizioni i Kundërterrorizmit në FBI.
Njoftimi i FBI-së është një ndryshim nga një deklaratë më pak se 24 orë më parë, në të cilën ndihmës agjentja speciale përgjegjëse Alethea Duncan tha : “Ne nuk besojmë se Jabbar ishte i vetmi përgjegjës.”
Hetuesit kishin kërkuar nëse të tjerët ishin përgjegjës për vendosjen e pajisjeve shpërthyese të improvizuara veçmas nga kamioni që ata thonë se Shamsud-Din Jabbar përdori për të shtypur turmën në ditën e Vitit të Ri.
Zëvendës ndihmësdrejtori në Divizionin Kundër Terrorizmit në FBI, Christopher Raia tha se sulmi në New Orleans “ishte një akt terrorizmi”.
“Qëllimi im është të jem sa më i afërt me ju për atë që kemi zbuluar deri më tani. Para së gjithash, më lejoni të jem shumë i qartë për këtë pikë, ky ishte një akt terrorizmi”, tha ai. “Ishte i paramenduar dhe një akt i keq”, shtoi Raia.
FBI konfirmoi të enjten se 14 persona u vranë në sulmin terrorist në New Orleans./euronews
