“Foto e falsifikuar”, Avokati Koci thotë se do të ngre padi ndaj personit që diskreditoi hetuesin Idriz Gashin

Koci përmes një reagimi në profilin e tij në Facebook ka thënë se fotoja e publikuar është falsifikuar, ku ndër të tjera ai shton se është i autorizuar të dorëzojë kallëzim penal ndaj personit që e publikoi atë.

“Sa i përket pretendimeve për pjesëmarrjen e tij në një tubim politik, dua të sqaroj se fotoja e publikuar është FALSIFIKUAR!
Hetuesi policor Idriz Gashi NUK KA QENË pjesë e tubimit të një partie politike në fshatin Rrezallë!
Për këtë, klienti i im ka prova materiale!”, thuhet ndër të tjera në reagimin e Kocit.

Për rastin në fjalë, gjatë ditës së djeshme Demokracia.com raportoi se si Vetëvendosje përmes portalit të afërt të saj, Kosovanews.net, manipuloi fotot për ta diskredituar hetuesin Idriz Gashi.