8 orë më parëBE: Lajçaku deri në fund të janarit, jemi duke përzgjedhur pasuesin e tij
Periskopi(një vit më parë)
(një vit më parë)Bashkimi Evropian ka thënë se është në proces të përzgjedhjes së pasuesit të Miroslav Lajçakut, që deri në fund të janarit do të mbajë postin e të dërguarit për dialogun Kosovë-Serbi. “Mandati i të dërguarit të posaçëm të Bashkimit Evropian, Miroslav Lajçak, mbetet në fuqi deri në fund të janarit. Procesi i përzgjedhjes së pasuesit […]
“Mandati i të dërguarit të posaçëm të Bashkimit Evropian, Miroslav Lajçak, mbetet në fuqi deri në fund të janarit. Procesi i përzgjedhjes së pasuesit të tij aktualisht është duke u zhvilluar dhe ne do të ofrojmë përditësime në kohën e duhur”, thuhet në pergjigjen e BE-së për KOHËN.
Të premten (3 janar) ka skaduar afati për paraqitjen e kandidatëve nga të cilët përfaqësuesja e lartë për politikë të jashtme dhe siguri, Kaja Kallas, do të zgjedhë se kë do ta emërojë si përfaqësues të posaçëm të BE-së për dialogun Kosovë-Serbi.
Ndër emrat që më së shumti vazhdojnë të përmenden janë ish-ministri i Finlandës, Pekka Havisto, dhe diplomati nga Danimarka, Peter Sorensen. Që të dy kanë përvojë nga rajoni i Ballkanit Perëndimor.
