BDI: Inspektorati Shtetëror i Tregut ka hequr gjuhën shqipe nga përdorimi zyrtar

Nga BDI thonë se edhe një tjetër institucion shtetëror ka hequr gjuhën shqipe nga përdorimi zyrtar.

Bëhet fjalë për Inspektoratin Shtetëror të Tregut.

Komunikata e plotë:

Sot paraqesim një tjetër veprim të papranueshëm nga një institucion shtetëror – Inspektorati Shtetëror i Tregut ka hequr gjuhën shqipe nga përdorimi zyrtar!

Ky nuk është rasti i parë dhe, fatkeqësisht, nuk do të jetë i fundit.

Kjo është një përpjekje sistematike për të degraduar statusin politiko-juridik të shqiptarëve, të arritur me Marrëveshjen e Ohrit.

Ata që heshtin përballë kësaj padrejtësie janë po aq fajtorë sa ata që e zbatojnë këtë politikë diskriminuese.

Ne nuk do të heshtim! Shqiptarët do të reagojnë ashpër për barazi, drejtësi dhe mbrojtjen e dinjitetit institucional!

Vlen janë shndërruar në një instrument të përdhosjes së vlerave të barazisë dhe drejtësisë.

Populli dhe historia do t’u japin dënimin e merituar.

Ky regjim ka shpallur sulm të hapur ndaj të drejtave të shqiptarëve dhe po përpiqet me çdo kusht të zhbëjë arritjet tona historike.

Asnjë përpjekje për të na bërë qytetarë të rendit të dytë nuk do të kalojë.

Barazia nuk është e negociueshme – është një e drejtë e patjetërsueshme dhe do të mbrohet