7 orë më parëArrestohen dy persona në Prishtinë, dyshohen për tentim vrasje
Periskopi(një vit më parë)
(një vit më parë)Policia e Kosovës, përmes një njoftimi ka bërë të ditur se janë dy persona në Prishtinë, të cilët dyshohen për një rast të tentim vrasjes që ka ndodhur më datë 01.01.2025, rreth orës 03:00. PK-ja ka bërë të ditur edhe se, arrestimi i të dyshuarve është bërë si rezultat i ndërmarrjes së veprimeve të specializuara […]
PK-ja ka bërë të ditur edhe se, arrestimi i të dyshuarve është bërë si rezultat i ndërmarrjes së veprimeve të specializuara operativo-policore.
Komunikata e plotë:
Arrestohen dy të dyshuar për vrasje në tentativë
Prishtinë, 11 janar 2025 – Sot, nga zyrtarët e njësisë së hetimeve të përgjithshme të Drejtorisë Rajonale të Policisë së Prishtinës, janë arrestuar dy persona të dyshuar për rastin vrasje në tentativë të ndodhur më datë 01.01.2025, rreth orës 03:00, në parkingun e një biznesi, në rrugën magjistrale Prishtinë – Ferizaj.
Arrestimi i të dyshuarve;
– E. H, mashkull, 19 vjeç, shtetas i Republikës së Kosovës, si dhe
-B. H, mashkull, 19 vjeç, shtetas i Republikës së Kosovës, erdhi si rezultat i ndërmarrjes së veprimeve të specializuara operativo-policore, në kuadrin e procesit hetimor të këtij rasti.
Përderisa policia po punon në mënyrë aktive për zbardhjen e plotë të rrethanave të ngjarjes, ndaj të dyshuarve me autorizimin e prokurorit të shtetit është iniciuar hetim në drejtim të veprës penale “Vrasja në Tentativë”.
Të njëjtit me aktvendim mbi ndalimin e personit të dyshuar të nxjerrë nga ana e prokurorit të shtetit u dërguan në qendrën e mbajtjes prej 48 orësh. /GazetaExpress
