2 orë më parëGjobitet KRU “Prishtina” për ekspozimin e të dhënave personale të konsumatorëve
Periskopi(2 vite më parë)
(2 vite më parë)Agjencia për Informim dhe Privatësi i ka shqiptuar gjobë Kompanisë Rajonale të Ujësjellësit “Prishtina” për shkelje të Ligjit për Mbrojtjen e të Dhënave Personale.Agjencia për Informim dhe Privatësi i ka shqiptuar gjobë Kompanisë Rajonale të Ujësjellësit “Prishtina” për shkelje të Ligjit për Mbrojtjen e të Dhënave Personale. AIP ka njoftuar se ka marrë ankesa nga […]
AIP ka njoftuar se ka marrë ankesa nga qytetarët se KRU “Prishtina” ka shpërndarë faturat mujore duke i ekspozuar të dhënat personale.
“Agjencia për Informim dhe Privatësi (AIP) ka pranuar ankesa nga qytetarët (subjektet e të dhënave), të cilët kanë raportuar se Kompania Rajonale e Ujësjellësit “Prishtina” ka bërë shpërndarjen e faturave mujore për shpenzimin e ujit duke i ekspozuar të dhënat personale të konsumatorëve ndaj qasjes së personave të paautorizuar”, njoftoi agjencia.
Pas shqyrtimit të ankesave, AIK ka konstatuar se KRU “Prishtina” ka dështuar të ndërmarrë masat e duhura të sigurisë në përpunimin e të dhënave personale gjatë shpërndarjes së faturave për qytetarët.
“Agjencia për Informim dhe Privatësi ju bën thirrje të gjithë kontrolluesve (publik dhe privat), që përpunimin e të dhënave personale të bëjnë në mënyrë të ligjshme, në të kundërtën Agjencia për Informim dhe Privatësi, në bazë të kompetencave ligjore është e detyruar të ndërmarrë veprimet dhe masat e duhura për mos-respektim të dispozitave të parapara me Ligjin për Mbrojtjen e të Dhënave Personale”, thuhet në njoftim.
