Austri: Një afgan kërcënon kancelarin austriak me vdekje, arrestohet

“Do ta pres kokën. Ndrysho, ose do të vij e të vras në Parlament!”.

Një shtetas afgan, ditë më parë ka kërcënuar me vdekje kancelarin austriak, Karl Nehammer. 28 vjeçari i cili kishte migruar si azilant në Austri në vitin 2015, i kishte shkruar një mesazh kërcënues në gjuhën angleze kancelarit austriak, raporton “Krone.at”. Ai shkruan:  ““Do ta pres kokën. Ndrysho, ose do të vij e të vras në Parlament!”. Kabineti i kancelarit Nehammer raportoi mesazhin kërcënues në Zyrën Federale për Mbrojtjen e Kushtetutës, transmeton albinfo.at

I dyshuari më pas u gjet dhe u arrestua në Telfs në Tirol. Sipas hetimeve, migranti deklaroi se ishte i krishterë, megjithëse kishte një botëkuptim radikal islamist.

I dyshuari fillimisht u arrestua për krime të dhunshme. Më pas, ai është hetuar nga Zyra për Mbrojtjen e Kushtetutës në bashkëpunim të ngushtë me njësitë policore rajonale dhe është dërguar në paraburgim për shkak të kërcënimit të tij ndaj kancelarit. Deklarata i tij se, djalli e kishte shkruar mesazhin, nuk ishte bindës për hetuesinë.

Ministri i Brendshëm i ashpër

Siç shkruajnë mediat austriake, fillimisht kërkesa e tij për azil ishte refuzuar. Megjithatë, së bashku me një avokat, ai apeloi me sukses vendimin dhe në fund ai fitoi statuesin e azilit.

Ministri i Brendshëm Gerhard Karner për gazetën austriake “heute.at”, theksoi: “Ne nuk do të tolerojmë aktivitetin islamik ose kërcënimet me vdekje”. “Ekstremistët islamikë do të trajtohen pa kompromis dhe me ashpërsinë e plotë të sundimit të ligjit”, përcjell albinfo.at

Islamizmi radikal është kthyer sërish në fokusin e autoriteteve të sigurisë në Austri, pasi tre mbështetës të dyshuar të IS-it(I dyshuari kryesor me prejardhje shqiptare) tentuan të kryenin një sulm në një koncert të Taylor Swift në Vjenë pak ditë më parë. Falë këshillave nga qarqet e inteligjencës amerikane, më e keqja u parandalua.