8 orë më parëTë shtëna në Detroit të SHBA-së, plagosen 9 persona – përfshirë 2 fëmijë
Periskopi(2 vite më parë)
(2 vite më parë)Nëntë persona u plagosën, duke përfshirë dy fëmijë të vegjël dhe nënën e tyre, pasi një sulmues hapi zjarr në një park uji në periferi të Detroitit në Shtetet e Bashkuara të Amerikës, ku familjet u mblodhën për t’i shpëtuar vapës së verës të shtunën. Forcat e rendit gjurmuan një të dyshuar në një shtëpi, […]
Nëntë persona u plagosën, duke përfshirë dy fëmijë të vegjël dhe nënën e tyre, pasi një sulmues hapi zjarr në një park uji në periferi të Detroitit në Shtetet e Bashkuara të Amerikës, ku familjet u mblodhën për t’i shpëtuar vapës së verës të shtunën.
Forcat e rendit gjurmuan një të dyshuar në një shtëpi, ku burri vdiq nga një plagë e vetëshkaktuar me armë zjarri, thanë autoritetet.
Një djalë 8-vjeçar u qëllua në kokë dhe në gjendje kritike të shtunën mbrëma, tha sherifi i kontesë Oakland, Mike Bouchard gjatë një konference për shtyp. Nëna e djalit gjithashtu ishte në gjendje kritike pasi u plagos në bark dhe këmbë, dhe vëllai i tij 4-vjeçar ishte në gjendje të qëndrueshme me një plagë në këmbë, raporton Associated Press.
Autoritetet fillimisht thanë se besonin se rreth 10 persona kishin plagë me armë zjarri nga të shtënat në Rochester Hills, por ky numër u rishikua pasi ata u kontrolluan në spitalet e zonës.
Gjashtë të plagosur tjerë, të gjitha 30 vjeç e lart, ishin në gjendje të qëndrueshme, tha Bouchard. Ata përfshinin një çift burrë e grua dhe një burrë 78-vjeçar.
