I nxehtë ekstrem në Athinë, temperatura e asfaltit arrin rekordin 96.2 gradë celsius

Sipas mediave të huaja, droni me kamerën termike në Omonia ka regjistruar një temperaturë prej 96.2 gradë Celsius, ndërsa në shatërvan ka qenë 34.9 gradë Celsius.

Aty ku ka asfalt dhe çimento temperaturat janë shumë të larta. Në videon e mësipërme, shihet se zonat me pemë dhe parqe brenda kryeqytetit janë dukshëm më të freskëta, ndërsa zonat urbane, veçanërisht zonat qendrore me shumë ndërtesa, janë shumë më të ngrohta, duke përforcuar efektin e ‘ishullit të nxehtësisë urbane’.

Nga nesër vala e të nxehtit do të fillojë të tërhiqet, pasi sipas meteorologut Panagiotis Giannopoulos do të jetë një ditë mjaft e ngrohtë, pasi do të shohim zhivën të kalojë 40 gradë në disa zona, veçanërisht për pjesën lindore të Greqisë.

“Një ditë tjetër e nxehtë sot pasi termometri do të kalojë 40 gradë në disa zona. Zonat më të nxehta me 40-43 gradë do të jenë në Sterenë lindore dhe Peloponez”, tha fillimisht meteorologu Panagiotis Yiannopoulos.

Siç ka përmendur ai, kjo është dita e fundit që do të kemi këto temperatura, pasi në vijim do të një  rënie të ndjeshme të merkurit.

Po ashtu, ai ka theksuar se vala e të nxehtit shoqërohet me re dhe pluhur afrikan, madje edhe me shira në veri.

“Sot ka një mbulesë të re e cila ka ulur pak temperaturën, por ka edhe pluhur afrikan. Në Greqinë Perëndimore do të fryjnë erëra me 6 beauforte dhe do të ulin temperaturën”, shtoi ai.

“Në Greqinë Veriore presim stuhi që mund të shoqërohen me erëra të forta dhe breshër. Në Maqedoninë Lindore dhe Trakinë nesër do të kemi stuhi”, theksoi ai.

“Në Athinë të premten termometri do të bjerë në 38 gradë. Në Kretë do të shënohen 39 gradë”, nënvizoi ai.

“Të shtunën vapa do të përfundojë. Deri më 29 qershor nuk duket të ketë vapë, por vapë do të ketë më pas”, tha Panagiotis Janopulos.