3 orë më parëCanaj: Mos largimi i masave të BE-së, dështim diplomatik i Kosovës
Periskopi(2 vite më parë)
(2 vite më parë)Gjatë së mërkurës është raportuar se përfaqësuesi i lartë i Bashkimit Evropian për Politikë të Jashtme dhe Siguri, Josep Borrell, u ka rekomanduar shteteve anëtare të BE-së që të marrin qëndrim për heqjen e masave ndaj Kosovës. Ish-diplomati Blerim Canaj ka shprehur shqetësimin e tij për një mundësi të dështimit diplomatik të Kosovës nëse masat […]
Ish-diplomati Blerim Canaj ka shprehur shqetësimin e tij për një mundësi të dështimit diplomatik të Kosovës nëse masat nuk hiqen.
Canaj theksoi se Kosova duhet të intensifikojë përpjekjet e saj diplomatike për heqjen e këtyre masave.
“Kjo e tregon edhe situatën diplomatike në të cilën gjendet Kosova, pasi ajo është punë e diplomatëve dhe e diplomacisë kosovare që të takojë shtetet të cilat kanë forcë për të vendosur”, ka thënë Canaj në RTV Dukagjini.
Ai shtoi se masat janë të padrejta dhe se shumë diplomatë të vendeve të ndryshme e dinë këtë, por vendet e tyre vazhdojnë t’i mbështesin këto masa.
“Ato masa janë të padrejta, madje madje kam dëgjuar edhe diplomatë që janë këtu që e dinë që janë të padrejta dhe shtetet e tyre vazhdojnë i përkrahin këto masa”.
Canaj sugjeroi që diplomacia kosovare duhet të jetë më aktive dhe të diskutojë me shtetet kyçe për heqjen e masave.
“Do të kishte qenë mirë që diplomacia jonë të ishte më aktive dhe të diskutojë me shtetet e caktuara pikërisht për heqjen e masave. Dhe pastaj mos të shkojmë ne diku në Sicili, të takojmë disa arbëresh sepse nuk është punë e diplomacisë ajo”, ka shtuar Canaj.
Nëse dështimi për heqjen e masave ndodh edhe pas rekomandimit të Borrell, Canaj konsideron këtë një dështim të radhës në diplomacinë kosovare.
“Kam përshtypjen në këtë rast nëse dështohet në heqjen e këtyre masave përkundër rekomandimit të Borrellit, thjesht është dështimi i serishëm diplomatik i Kosovës”, ka theksuar Canaj.
