13 minuta më parë“Jam Taulant Balla. Më duhen urgjent 100 mijë euro”, biznesmeni në Shqipëri bie pre e mashtrimit
Periskopi(2 vite më parë)
(2 vite më parë)“Përshëndetje. Si kalove si je? Jam Taulant Balla. Më duhen urgjent 100 mijë euro”, ky është mesazhi që organizatori i një mashtrimi ia ka dërguar një biznesmeni në Përrenjas. Oficerët kontrolluan telefonin e shtetasit të Shqipërisë Flamur Rrushi, i cili tregoi se një numër në Viber, që identifikohej si ministri i Brendshëm, Taulant Balla, e […]
“Përshëndetje. Si kalove si je? Jam Taulant Balla. Më duhen urgjent 100 mijë euro”, ky është mesazhi që organizatori i një mashtrimi ia ka dërguar një biznesmeni në Përrenjas.
Oficerët kontrolluan telefonin e shtetasit të Shqipërisë Flamur Rrushi, i cili tregoi se një numër në Viber, që identifikohej si ministri i Brendshëm, Taulant Balla, e mashtroi, raporton TopChannel.
Sipas burimeve të gazetares Anila Hoxha, u zbulua se posedues i kësaj llogarie është shtetasi me iniciale F.Gj, i cili aktualisht është nën hetim dhe ndaj tij janë dhënë disa masa arresti për të njëjtën skemë mashtruese.
Biznesmeni, sipas kërkesës së mashtruesit, ka ardhur në Tiranë me çantën 100 mijë euro dhe ia ka dorëzuar një taksisti.
“Mbajta shënim targat e taksisit”, tha biznesmeni në polici.
Prokuroria e Elbasanit identifikoi taksisitin, i cili deklaroi “isha taksist, erdha në Tiranë nga Lezha dhe mora nga Flamur Rrushi çantën. E pyeta fillimisht nëse është gjë e rrezikshme dhe më tha jo. Kur ia dhashë çantën, më dha 100 euro”, tha taksisti, i cili u la i lirë.
