Toka për Manastirin, Haradinaj: Deçani respekton Kushtetutën e Kosovës, Kurti s`po përkrah projektet jetike për deçanasit

Ai ka takaur kryetarin e kësaj komune Bashkim Ramosaj për të diskutuar për zhvillimet e fundit politike.

Për tokën e Manastirit , Haradinaj ka thënë se Decani cdo herë ka respektuar ligjet dhe kushtetutën e Kosovës.

“Deçani, si çdoherë ka nderuar Kosovën e gjithë kombin në të gjitha çështjet e ndjeshme, dhe do të vazhdojë të jetë në shërbim të qytetarëve dhe në përputhje me Kushtetutën dhe ligjet e Kosovës, për t’i respektuar vendimet e institucioneve qendrore të Kosovës, sepse është shteti ynë dhe shtet tjetër nuk kemi” ka shkruar ai ndër të tjera.
Por Haradinaj nuk ka lënë pa kritikaur qeverinë Kurti se nuk po e përkah këtë komunë në shumë projekte.

Reagimi i plotë:

Sot qëndrova në Deçan ku zhvillova një diskutim me kryetarin, z. Bashkim Ramosaj dhe autoritetet tjera lokale për të gjitha zhvillimet e fundit në Deçan e më gjerë. Deçani, si çdoherë ka nderuar Kosovën e gjithë kombin në të gjitha çështjet e ndjeshme, dhe do të vazhdojë të jetë në shërbim të qytetarëve dhe në përputhje me Kushtetutën dhe ligjet e Kosovës, për t’i respektuar vendimet e institucioneve qendrore të Kosovës, sepse është shteti ynë dhe shtet tjetër nuk kemi.
Por, qeveria e sotme e Kosovës nuk po e respekton dhe nuk po e përkrah Deçanin në kërkesat jetike në shërbim të qytetarëve. Shumë projekte kanë mbetur pa buxhetin e domosdoshëm për t’i përfunduar ato. Kjo sjellje e tillë e qeverisë ndaj Deçanit duhet të ndërpritet dhe t’i ofrohet përkrahja e merituar në projektet që kanë mbetur pezull.