2 orë më parëTahiri: Ministria e Shëndetësisë për dy vite ia ka dhënë 40 milionë euro kompanisë, “Meditech” – i bëj thirrje Prokurorisë të nis hetimet
Periskopi(2 vite më parë)
(2 vite më parë)Shefi i Grupit Parlamentar të Partisë Demokratike të Kosovës, Abelard Tahiri, nga Kuvendi i Kosovës i bën thirrje Prokurorisë që të nisë hetimet ndaj Ministrisë së Shëndetësisë për dhënie të rreth 40 milionë euro tendere, një kompanie e cila furnizon vendin tonë me barna esenciale. Tahiri thotë se nëse ka ardhur në atë pikë që […]
Tahiri thotë se nëse ka ardhur në atë pikë që Ministria e Shëndetësisë t’ia besoj një operatori ekonomik që shtetin e Kosovës ta furnizojë për dy vite me radhë me barna, atëherë pse duhet që kjo ministri të funksionojë.
“E kemi vetëm një operatorë ekonomik në Ministrinë e Shëndetësisë, që në listën esenciale të barnave e furnizon shtetin e Kosovës me barna rreth 22 milionë euro. Në anën tjetër, përvec barnave që i ka 22 milionë euro, i ka edhe 18 milionë tjera në materiale konsumi. Pra, MSH-ja dhe institucionet që janë në kuadër të kësaj Ministrie ia besojnë një operatori ekonomik 40 milionë euro për dy vite shpenzime, kompanisë “Meditech”. Dhe kur kemi fillu me diskutu për cështjen e kontratave burimore, jemi bërë adresë e këtyre cështjeve ku njerëzit na kanë dërgu. Unë nuk e di pse duhet me apsë Ministri të Shëndetësisë. Po ia lajmë krejt këtij operatori. Kur mbërrijmë në një pikë që ia besojmë një operatori të tillë 40 milionë euro për dy vite… a s’ka kompani tjera farmaceutike në Kosovë, vec në një kompani kemi mbetë a.. Kjo është një sfidë e madhe edhe për prokurorë, e lëre ma për deputetë.
Unë sot i bëj thirrje Prokurorisë, me pa që qysh është e mundur 22 milionë euro me furnizu listën esenciale me barna edhe 18 milionë euro me materiale të tjera konsumi. I bëj thirrje Prokurorisë që të filloj një hetim dhe ta shohim a është normale kjo, apo vërtetë është një abuzim i skajshëm”, tha Tahiri në Kuvendin e Kosovës.
