5 orë më parëSzunyog takohet me serbët në veri: Diskutuam për sfidat nga rregullorja e BQK-së
Periskopi(2 vite më parë)
(2 vite më parë)Ambasadori i Bashkimit Evropian në Kosovë, Tomas Szunyog, njofton se takoi përfaqësuesit e Qendrës Spitalore Klinike dhe shkollës “Sveti Sava” në Mitrovicën e Veriut dhe se diskutuan për sfidat operative me të cilat përballen pas Rregullores së Bankës Qendrore për operacionet me para të gatshme, një vendim ky, siç tha, i pakoordinuar, i cili nuk […]
“Ky vendim së bashku me çështje të tjera të kahershme kanë prekur seriozisht popullatën serbe të Kosovës dhe komunitetet tjera në mbarë Kosovën dhe pengojnë ofrimin e shërbimeve bazë. Çështje të tilla duhet të adresohen urgjentisht në formatin e dialogut në interes të popullit”, tha ai në platformën X,.
Po ashtu, ambasadori i BE-së në Kosovë njoftoi se ka vizituar nënstacionin e Vallaqit dhe qendrën e “Elektroseverit”, i cili ka iniciuar faturimin e konsumit të energjisë elektrike në veri të Kosovës. “Është një hap i rëndësishëm përpara në procesin e normalizimit. U bëj thirrje njerëzve që të regjistrojnë orëmatësit e tyre dhe të fillojnë të paguajnë faturat e tyre”, shkroi Szunyog.
Ai gjithashtu shtoi se takoi edhe përfaqësuesit e kompanisë së telefonisë MTS d.o.o. për të biseduar për sfidat aktuale operative dhe planet e ardhshme të zhvillimit.
Në këtë rrjet social, gjatë ditës ambasadori ka shkruar edhe rreth ndërrimit të shenjave të komunikacionit në veri të vendit.
BE-ja i kërkon Kosovës të ketë kujdes me ndërrimin e shenjave të komunikacionit në veri
