7 orë më parëSyla për deklaratën e Hill: Ka për qëllim zbutjen e Vuçiqit dhe ‘marrjen me të mirë’ të tij
Periskopi(2 vite më parë)
(2 vite më parë)Deklarata e ambasadorit amerikan në Serbi, Christopher Hill se “Serbia është më afër anëtarësimit në NATO” ka nxitur reagime në Kosovë. E ashpër ndaj Hillit u tregua presidentja e vendit Vjosa Osmani. Ajo tha se “kushdo që konsideron se Serbia është afër NATO-së, ofendon viktimat e Millosheviqit”, shkruan Periskopi. Për këto deklarata të Hillit, gazetari […]
Për këto deklarata të Hillit, gazetari dhe analisti Valon Syla në një prononcim për Periskopin shprehet se ajo çka ka deklaruar ambasadori amerikan ka për qëllim zbutjen e Vuçiqit dhe ‘marrjen me të mirë’ të tij.
“Ambasadoti Amerikan në Beograd e ka për detyrë dhe ta mbaj më afër Qeverinë e Serbisë atje… ashtu qysh edhe Ambasadori Amerikan në Prishtinë e ka ta mbaj Qeverinë e Kosovës më afër… Deklaratat për NATO-n dhe afrimin e Serbisë lidhen me flirtin diplomatik që kanë për qëllim zbutjen e Vuçiqit dhe ‘marrjen me të mirë’ të tij… përndryshe diplomatët amerikan e dinë shumë mirë disponimin e serbëve për NATO pas bombardimeve të vitit 1999, që është shumë agresiv dhe i ngjajshëm me disponimin rus për NATO-n. Pra është diplomaci, që tenton të ndaj qëndrimet Serbi – Rusi dhe ta aftoj Beogradin me Perëndimin”, tha Syla për Periskopin.
Ndërsa sot ambasadori amerikan në Kosovë, Jeffry Hovenier u pyet për deklaratat e ambasadorit amerikan në Serbi.
“Unë do t’i kontestoj ata që duan të bëjnë krahasime dhe kontraste se kush ku qëndron në marrëdhënie me dikë.Ka një angazhim të jashtëzakonshëm në avancimin e sigurisë së Kosovës përfshirë atë nëse ajo do ta ushtrojë të drejtën e saj për të lëvizur drejt anëtarësimit në NATO”, tha ambasadori amerikan.
