Papa thotë se duhet të bëhen “të gjitha përpjekjet” për t’i dhënë fund luftërave në Ukrainë dhe Lindjen e Mesme

Ai kufizoi edhe një herë fjalimin e tij publik në audiencën e tij javore në Sheshin e Shën Pjetrit për shkak të problemeve të vazhdueshme shëndetësore.

“Nuk duhet të harrojmë kurrë se lufta është gjithmonë disfatë, ne nuk mund të vazhdojmë në luftë, duhet të bëjmë të gjitha përpjekjet për të ndërmjetësuar, për të negociuar përfundimin e luftës, le të lutemi për këtë”, tha Papa në fjalën e shkurtër në fund të audienca, duke përmendur Ukrainën e “martirizuar” dhe konfliktin izraelito-palestinez.

87-vjeçari Françesku, i cili ka probleme me lëvizjen dhe ka vuajtur javët e fundit nga ftohjet dhe sulmet e bronkitit, ka lënë edhe një herë leximin e shumicës së teksteve të tij të përgatitura paraprakisht për audiencën, raporton Reuters, transmeton Klankosova.tv.

Ai ia delegoi detyrën një ndihmësi, duke u thënë besimtarëve se ishte ende i detyruar të kufizonte fjalimin e tij publik.

Në fillim të këtij muaji, Françesku shkaktoi polemika duke sugjeruar në një intervistë me transmetuesin zviceran RSI se Ukraina duhet të “tregojë guximin e flamurit të bardhë” dhe të hapë bisedimet me Rusinë. Zëvendësi i tij, kardinali Pietro Parolin, më vonë sqaroi se Rusia duhet së pari të ndalojë agresionin e saj.

Vrasja me eksploziv në Gjakovë, Dod Gjikolaj lirohet nga akuza