4 orë më parëNdarja e mbi 500 mijë eurove për renonvimin e IML-së, Ministria e Drejtësisë tregon pikat kryesore se ku do të investojnë
Periskopi(2 vite më parë)
(2 vite më parë)Qeveria e Kosovës ka miratuar kërkesën e Ministrisë së Drejtësisë për ndarjen e 520 mijë eurove për financimin shtesë të projektit “Renovimi i kulmit dhe rikonstruktimi i hapësirave të brendshme në objektin e IML-së”. Nga Ministria e Drejtësisë njoftojnë se ky buxhet do të shfrytëzohet për renovimin e hapësirave të IML-së që ishin dëmtuar si […]
Nga Ministria e Drejtësisë njoftojnë se ky buxhet do të shfrytëzohet për renovimin e hapësirave të IML-së që ishin dëmtuar si pasojë e incidentit me zjarrin në nëntor të vitit të kaluar, mirëpo në të njëjtën kohë do të intervenohet në tërë objektin e IML-së duke rritur sigurinë e përgjithshme me qëllim të parandalimit të ngjarjeve të tilla në të ardhmen.
“Ky renovim do të realizohet në bazë të projektit të përgatitur nga departamenti i inxhinieringut në MD, i cili përfshin rekomandimet e dhëna nga Komisioni i Universitetit të Prishtinës për vleresimin e dëmeve dhe rritjen e sigurisë së objektit”, thuhet në njoftimin e bërë nga Ministria e Drejtësisë.
Më tej, në njoftim Ministria e Drejtësisë ka dhënë detaje se cilat do të jenë pikat kryesore që do të investohen.
“Pikat kryesore në të cilat do te investohet do të jenë instalimi i sistemit kundër zjarrit, instalimi i sistemit të ri elektrik, vendosja e ventilimit qendror, përmirësimi i kushteve dhe funksionalizimi i sallave të autopsisë, si dhe ridizajnimi i hapësirave të brendshme të punës në përputhje me standardet dhe praktikat më të mira ndërkombëtare”, vijon njoftimi.
Me këtë investim, IML shpreson të krijojë një mjedis të sigurt për punë dhe ruajtjen e provave të rëndësishme mjeko-ligjore që do të mundësojnë rifillimin sa më shpejt të procesit të akreditimit të shërbimeve mjeko- ligjore.
Ndryshe, për zjarrin që kishte shpërthyer në Institutin e Mjekësisë Ligjore, Prokuroria në Prishtinë ka nisur hetimet.
“Ju njoftojmë se me të pranuar informatën nga Policia e Kosovës lidhur me incidentin e zjarrit në Institutin e Mjekësisë Ligjore në Prishtinë, Prokurori i Shtetit ka dalë në vendin e ngjarjes bashkë me të gjitha njësitet relevante për t’i ndërmarrë të gjitha veprimet e nevojshme hetimore”, kishte deklaruar Prokuroria.
Ndërkaq, për dokumentacionin që ishte djegur nga IML kishin njoftuar se të gjithë dokumentet janë edhe në formë dixhitale./Telegrafi
